მთავარი » 2016»მაისი»17 » დღეს საშენი მეურნეობის ინკუბატორში პირველი ორმოცდარვა ცალი კაკბის წიწილი გამოიჩეკა
00:46:01
დღეს საშენი მეურნეობის ინკუბატორში პირველი ორმოცდარვა ცალი კაკბის წიწილი გამოიჩეკა
გარემოსა და ბუნებრივი რესურსების დაცვის სამინისტროს ეროვნულ საშენ მეურნეობაში ველური ორნიტო-ფაუნის მოწყვლად სახეობათა მოპოვება-მოშენება დაიწყო.
კაპიტალურად გარემონტდა ყოფილი საბოცვერეს შენობა, სადაც განთავსდა საწიწილე საზრდელი ოთახები, საინკუბატორო და საკვების საამქრო. მოეწყო ბუნებასთან ინტეგრირებული ვოლიერები. შემოყვანილია 80 ფრთა კაკაბი და კოლხური ხოხობის 8 ოჯახი.
დღეს საშენი მეურნეობის ინკუბატორში პირველი ორმოცდარვა ცალი კაკბის წიწილი გამოიჩეკა. ეროვნული საშენი მეურნეობა ამ ეტაპზე საკუთარ სადედე გუნდებს 600 ერთეულ ზრდასრულ ფრინველამდე გაზრდის, რის შემდეგაც, 2017 წლიდან დაიწყება ადგილობრივი გარეული სახეობების გარემო ბუნებაში შეყვანა. ასევე, მოხდება მეურნეობის ნაწარმის რეალიზება ლიცენზირებულ სამონადირეო მეურნეობებზე.
ახლო მომავალში ეროვნულ საშენ მეურნეობაში გნოლს, დურაჯსა და ხონთქრის ქათამს მოაშენებენ. ასევე, კავკასიური როჭოს მოსაშენებლად სპეციალური პირობების ხელოვნურად შექმნის შესწავლა მიმდინარეობს.
მტაცებლებზე უნდა დაწესდეს გამოხშირვითი ნადირობა, კერძოდ ყოველ 3..4 წელიწადში უნდა დაიშვას მტაცებლებზე ნადირობა ბალანსის შესანარჩუნებლად. ასე აკეთებენ ევროპაში. იქნებ როგორმე ბუნების დაცვის სამინისტრომდე მივაწოდოდ ეს იდეა, მე არა ვარ საქართველოში, თორემ თვითონ მივხედავდი ამ საკითხს. იქნებ მოვნახოთ ვინმე კომპეტენტური პირი, ვინც მიხედავს ამ საკითხს
გაგიმარჯოს ღმერთმა, ესაა სწორედ ჩემი სათქმელი, ბრაკონიერები ვართ იმის გამო რომ ბუნებაზე ვზრუნნვთ ამ სულელურ კანონს თუ დავუჯერებთ მაგრამ მეც შენი არ იყოს ვცდილობ რო ბოლო მოვუღო მტაცებელს ამ კანონის მიუხედავად მე ვერ დაველოდები იმას თუ როდის მოეღება ბოლო საქართველოში მყოფ ენდემურ ნადირ - ფრინველს!
ძალიან მაგარი წამოწყებაა , მაგრამ განვითარებისთვის და შედეგისთვის ჭირდება ხელშეწყობა, მოკლედ ამის თქმა მინდოდა, თორემ ფრინველის გამრავლების და გაშვების წინააღმდეგი არანაირად არ ვარ
akson777 რომ ვიცი რა ამბავია იმიტომ მისკდება გული ზღვაში წვეთია რასაც ვაკლებთ, ორ მდევარს ვინახავ მეძებართან ერთად, ასევე არიან ჩემი მეგობრებიც, პირველივე დაძახილზე გავჩნდებით საჭირო ადგილზე.... მაგრამ მაინც ჩვენ გამოვდივართ ბრაკონიერები... სულელური კანონიდან გამომდინარე
VAXO-HUNTER კი მეგობარო ამაში გეთანხმები, რო შეგვეძლოს ჯობია ჯერ მტაცებელის შემცირება და შემდეგ ფრინველის გაშვება მაგრამ საქმე იმაშია რო ვერ ვამცირებთ რადგან ლეგალურს არ ხდის გდს მტაცებელზე ნადირობას გასაგები მიზეზების გამო და ამ შეზღუდვის გამო წელიწადში ათეული მგელი იკვლება და ათეული ტურა (ასეულიც არა) იმ მონადირეების მიერ ვინც ცდილობენ საკუთარი ძალებით ჩაატარონ მავნებლების ბუნებიდან ამოღება და ესე ვერ მოხერხდება მტაცებლის რაოდენობის შემცირება კარგად იცი რაამბავი რაოდენობისაც არიან!
ფრინველის ბუნებაში გაშვება არასდოს არ არის ურიგო, მაგრამ უფრო ეფექტური იქნება,თუ ჯერ მტაცებელს შევამცირებთ და მერე გავუშვებთ. ყველაფერი ფინანსებთან არის დაკავშირებული. დავთვალოთ რა ჯდება ერთი ბარტყი (კვერცხი, გამოჩეკვა, გაშვებამდე შენახვა), მერე გავამრავლოთ ათასებზე, რადგან ათასობით ფრინველი უნდა გავუშვათ. ერთი წლის შემდეგ დავთვალოთ რამდენი ფრინველი გადარჩება და ადვილად გამოვთვლით რამდენი გაანადგურა მტაცებელმა, ანუ რამდენი ათასით გამოვკვებეთ მავნებლები ნაკისრი ვალდებულებების გამო.
VAXO-HUNTER, არა მეგობარო ეს იყო ჩემი პასუხი იმ მოსაზრებაზე თითქოს ეხლა ფრინველის გაშვებას აზრი არ აქვს(ბევრი ამბობს ამას კონკრეტულად არავიზე არ ვამბობ).ფრინველს უშვებენ არა მტაცებლის გამოდაკვებად არამედ ენდემური ფრინველს პოპულაციის ასაწევად. მე ვთვლი რომ სწორედ ეხლა უნდა გაუშვა ათასობით ფრინველი ბუნებაში როცა კრიტიკული სიტუაციაა და ფრინველი კატასტროფულადაა შემცირებული თორე მტაცებლის დახოცვის ნებართვას ან მოგვცემენ ან არა ამ ასოცირების ხელშეკრულებაში ნაკისრი ვალდებულებების გამო და ამიტომ ვერ დაელოდები კაცი იმას სანამ მტაცებლები და ბრაკონიერები არ გააქრობენ ენდემურ ფრინველებს საბოლოოდ!მტაცებელი უნდა ვხოცოთ თან პარალელურად მაგრამ ფრინველებიც უნდა იყოს გაშვებული ბუნებაში უთუოდ!
კარგი საქმე კეთდება ნაღდად, და ღმერთმა ხელი მოუმართოს ესეთ ადამიანებს ვინც საქართველოს ბუნებაზე ზრუნავს და მართლა გული შესტკივათ. მტაცებელზე ნადირობის სრულ ლეგალიზაციას ვერ ახერხებს გარემოს დაცვის სამინისტრო ჯერერობით, და ეს პროცესი მტაცებელზე ნადირობის კანონიერად გამოცხადების შეიძლება დროში გაიწელოს და ამასობაში ენდემური ფრინველის სახეობები შეიძლება გაქრობის საშიშროების პირას აღმოჩნდნენ ამიტომაც სწორად მიმაჩნია ეს გადაწყვეტილება ფრინველების ნაწილის ბუნებაში გაშვების , ფრინველიც მეტი იქნება და მათი ესე მოკლე დროში განადგურების შანსიც ფაქტიურად აღარ იქნება. მტაცებელი ათასობით ფრთა ფრინველს რამდენიმე წელიიწადში ვერ გაანადგურებს დამიჯერეთ.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
ზღვაში წვეთია რასაც ვაკლებთ, ორ მდევარს ვინახავ მეძებართან ერთად, ასევე არიან ჩემი მეგობრებიც, პირველივე დაძახილზე გავჩნდებით საჭირო ადგილზე.... მაგრამ მაინც ჩვენ გამოვდივართ ბრაკონიერები... 
