ნიუ-იორკის სასამართლომ აღიარა, რომ შიმპანზე ტომის იგივე უფლებები გააჩნია, რაც ადამიანს. ეს ნიშნავს, რომ მაიმუნს, რომელიც ადრე ცირკში მუშაობდა, თავისუფლების უფლება აქვს.

ცხოველთა დამცველებმა ამერიკაში მნიშვნელოვანი გამარჯვება მოიპოვეს, რომელიც შეიძლება იქცეს მრავალი სასამართლო საქმის პრეცედენტად. ნიუ-იორკის შტატის უზენაესმა სასამართლომ, ოლბანში, დაადგინა, რომ 26 წლის შიმპანზე ტომი, რომელიც ადრე ცირკში მუშაობდა და ახლა გალიაში ცხოვრობს, წარმოადგენს პიროვნებას და აქვს იგივე უფლებები, კერძოდ თავისუფლების უფლება, რომელიც გააჩნიათ დანარჩენ ამერიკელ მოქალაქეებს. 



ცხოველთა დამცველებმა, ადვოკატ სტივენ ვაიზთან ერთად (რომელიც, ასევე ცხოველების უფლებების პროექტის პრეზიდენტია) მიაღწიეს იმას, რომ მფლობელს ცხოველი არ გაეჩერებინა გალიაში, არამედ გაეგზავნათ იგი ფლორიდის შტატის მაიმუნების საშენში.

სარჩელი ემყარებოდა იმას, რომ ტომის საშინელ პირობებში, ნესტიან სარდაფში მდგარ პატარა გალიაში ძალით აჩერებენ. სარჩელში მოყვანილი იყო ცნობილი მეცნიერების მტკიცებულებები, მათ შორის ავტორიტეტული ბრიტანელი პრიმატოლოგის, ჯეინ გუდოლის მტკიცებულება შიმპანზეს მაღალ ინტელექტზე და სხვა შესაძლებლობებზე.



ტომი და მისი მფლობელი პატრიკ ლავერი სასამართლოს არ ესწრებოდნენ. ლავერი ადრე უშედეგოდ ცდილობდა დაემტკიცებინა, რომ შიმპანზე საკმაოდ ბედნიერია, რომ მას აქვს ფერადი ტელევიზორი საკაბელო არხებით. მაგრამ ვაიზმა შეძლო დამტკიცება, რომ ტომის სიცოცხლე არაფრით განირჩევა ადამიანის სიცოცხლისგან, რომელსაც თავისუფლება აქვს წართმეული. 

სტივენ ვაიზმა გამარჯვების შემდეგ Daily Mail-ს შეატყობინა, რომ იგი თავის თანაშემწეებთან ერთად აპირებს სასამართლოში შეიტანოს სარჩელი სხვა გონიერი ცხოველების ( ძუძუმწოვრების, სპილოების, დელფინების და ა.შ. ) განთავისუფლების მოთხოვნით.