მთავარი » 2014»ოქტომბერი»7 » „თევზჭერის ტექნიკური რეგლამენტში ცვლილების შეტანის შესახებ
01:28:50
„თევზჭერის ტექნიკური რეგლამენტში ცვლილების შეტანის შესახებ
საქართველოს მთავრობის დადგენილება №551 2014 წლის 12 სექტემბერი ქ.თბილისი „თევზჭერისა და თევზის მარაგის დაცვის ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 31 დეკემბრის №423 დადგენილებაში ცვლილების შეტანის შესახებ მუხლი 1 „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „თევზჭერისა და თევზის მარაგის დაცვის ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 31 დეკემბრის №423 დადგენილებაში (www.matsne.gov.ge, 10/01/2014, 300160070.10.003.017645) შეტანილ იქნეს ცვლილება და დადგენილებით დამტკიცებული ტექნიკური რეგლამენტის: 1. მე-2 მუხლის მე-3 პუნქტი ჩამოყალიბდეს შემდეგი რედაქციით: „3. სამოყვარულო და სპორტული თევზჭერა – არალიცენზირებადი თევზჭერა ყველა სისტემის და დასახელების ხელის ანკესით, სასროლი ბადით, ხოლიხი ბადითა და ჩოგანბადით, ასევე, წყალქვეშა ნადირობა და ჰიდრობიონტების შეგროვება, აკვალანგებისა და სხვა ავტონომიური სასუნთქი მოწყობილობების გარეშე.“. 2. მე-5 მუხლის პირველი პუნქტი ჩამოყალიბდეს შემდეგი რედაქციით: „1. აკრძალულია ჭერა (მათ შორის, თანჭერილშიც და სპორტულ-სამოყვარულოშიც), რეალიზაცია და შენახვა თევზის შემდეგი სახეობების (გარდა იმ შემთხვევებისა, როდესაც „საქართველოს „წითელი ნუსხისა“ და „წითელი წიგნის“ შესახებ“ საქართველოს კანონის 22-ე მუხლის პირველი პუნქტით განსაზღვრულ განსაკუთრებულ შემთხვევებზე, სამინისტროს მიერ, გადაშენების საფრთხის წინაშე მყოფი გარეული ცხოველების მოპოვებაზე (ბუნებრივი გარემოდან ამოღებაზე) გაცემულია წერილობითი თანხმობა): ა) ზუთხისებრთა – მთელი წლის განმავლობაში; ბ) ზღვის ძუძუმწოვრების – მთელი წლის განმავლობაში; გ) შავი ზღვის ორაგულის – მთელი წლის განმავლობაში; დ) კალმახის (მდინარის და ტბის) – მთელი წლის განმავლობაში; ე) ქამბალა-კალკანის – 1 მაისიდან 1 ივლისამდე; ვ) მდინარის კიბოების – მთელი წლის განმავლობაში; ზ) საქართველოს „წითელ ნუსხაში“ შეტანილი თევზის სხვა სახეობების - მთელი წლის განმავლობაში.“. 3. მე-6 მუხლის სათაური ჩამოყალიბდეს შემდეგი რედაქციით: „მუხლი 6. თევზჭერისათვის აკრძალული ზოგიერთი იარაღები, საშუალებები და ხერხები“. 4. მე-6 მუხლის „ე“ ქვეპუნქტი ჩამოყალიბდეს შემდეგი რედაქციით: „ე) შიდა წყალსატევებში: ე.ა) სახლართი ბადის გამოყენებით - სამოყვარულო და სპორტული (არალიცენზირებადი) თევზჭერისას; ე.ბ) ლიცენზიის მფლობელის მიერ სახლართი ბადის გამოყენებით, მოსასმელი და მოსაყრელი ბადის პრინციპით;“. 5. მე-13 მუხლის მე-2 პუნქტი ჩამოყალიბდეს შემდეგი რედაქციით: „2. სამოყვარულო და სპორტულ თევზჭერად მიიჩნევა თევზჭერა, მხოლოდ, ყველა სისტემის და დასახელების ხელის ანკესით, სასროლი ბადით, ჩოგანბადითა და ხოლიხი ბადით, ასევე, წყალქვეშა ნადირობა და ჰიდრობიონტების შეგროვება, აკვალანგებისა და სხვა ავტონომიური სასუნთქი მოწყობილობების გარეშე.“. მუხლი 2 დადგენილება ამოქმედდეს გამოქვეყნებისთანავე. პრემიერ-მინისტრი ირაკლი ღარიბაშვილი
ნუ დაწერთ გადაუმოწმებელ ისტორიებს, ანკესით თევზაობასაც აქვს თავისი წესები, ამ წესების დაცვით, ანკესით მოთევზავის დაჯარიმება არის ზღაპარი, რომელსაც მერე დაჯარიმებული მეთევზეები თხზავენ, ვითომდა ცამდე მართლები არიან, არადა ფაქტი ისაა მონადირეების და მეთევზეების 99 %-ს ან კანონი წაკითხულიც არ აქვს, ან თუ აქვს მაინც არ იტკივებს თავს მისი შესწავლისთვის. თუ დააჯარიმეს ექნებოდა კიდეც მიზეზი. წაიკითხეთ ამ ლინკზე http://www.bazieri.ge/publ....-0-1526 კანონი თევზაობის შესახებ
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
