მთავარი » 2015 » თებერვალი » 9 » ძაღლთან და მის ნაყართან ერთად ცხოვრება
23:10:07
ძაღლთან და მის ნაყართან ერთად ცხოვრება
უხეში თამაში ძუძუს წოვის დამთავრებისთანავე ლეკვები იწყებენ ცელქობას _ ხალისით თამაშობენ ერთმანეთთან და დედასთან. პირით სინჯავენ ათასგვარ საგანს და ხშირად საკმაოდ უხეშად ეპყრობიან ერთმანეთს. მათ საოცრად წვეტიანი კბილები აქვთ და მწარედ იკბინებიან თამაშის დროს, თუმცა ამას სრულიად გაუცნობიერებლად აკეთებენ. სწავლა თამაშის დროს ლეკვების სიმარჯვე და კოორდინაცია ერთმანეთთან თამაშით ვითარდება. ეს ვესტჰაილანდური თეთრი ტერიერის ლეკვი თავის ძამიკოს ზურგზე შეაცოცდა. ძალ-ღონის გამოცდა თამაშის დროს ლეკვები იშვიათად ადენენ სისხლს ერთმანეთს. თუ რაიმე დაუშავდათ, ტკივილისგან დაიწკმუტუნებენ და სლუკუნით გაეცლებიან შემთხვევის ადგილს. ამგვარი გაკვეთილების წყალობით ლეკვი თანდათანობით იწყებს საკუთარი ძალ-ღონის შეფასებას და, შესაბამისად, თამაშს. სხეულის გარკვეულ ნაწილებზე კბენა უფრო მტკივნეულია. ერთ-ერთი ასეთი მგრძნობიარე უბანია ცხვირის წვერი, სადაც თავმოყრილია ნერვული დაბოლოებები, რადგან იგი ყნოსვის ორგანოა და ძაღლი მისი საშუალებით ადგენს სუნს. თამაშის დროს ყველაზე ხშირად ანცი ლეკვები ერთმანეთს ღია ადგილებში, მაგალითად ყურებსა და კუდის წვერში, სტაცებენ პირს. ისინი ჩხუბობენ კიდეც და წვეტიანი ბრჭყალებით მტკივნეულად უკაწრავენ ერთმანეთს სხეულის შიშველ ქვედა ნაწილს. მომთმენი მშობელი სტაფორდშირულ დედა ბულტერიერს ტკივილს აყენებს ორი, სულ რაღაც ექვსი კვირის ლეკვი _ ერთი ცხვირისკენ იწევს, მეორე კისერთან კანზე ჰკბენს. მკაცრი გაფრთხილება დედა მკაცრად უნდა მოექცეს ლეკვებს, თუ ისინი, გაფრთხილების მიუხედავად, არ მოიშლიან ცუდ ქცევას. უფროსი ეს ძუ გრძნობს, რომ აუცილებელია მკაცრად დატუქსოს თავისი ლეკვი, მიუხედავად იმისა, რომ ის უკვე საკმაოდ გაიზარდა. ამისთვის პირს ჩაავლებს ყბებში, მოუჭერს და აიძულებს, დახუროს. ასეთი ქცევა ცხადად მიუთითებს ძაღლების იერარქიაში მის უპირატეს სოციალურ მდგომარეობაზე. ოჯახობა დედები ყველაზე მომთმენები არიან თავიანთი ლეკვების მიმართ, ასევე ოჯახის სხვა ძაღლებიც შეიძლება კარგად განეწყონ მათდამი. თუმცა, როგორც კი ლეკვები ანცობას დაიწყებენ, საჭიროა მათი მეთვალყურეობა. შეიძლება მოხდეს შეტაკებებიც, განსაკუთრებით, ჭამის დროს. უპრიანი იქნება, თუ ძაღლებს ცალ-ცალკე აჭმევთ, რადგან ლეკვი შეიძლება გათამამდეს და უფროსი ძაღლის საჭმლის დათრევას შეეცადოს, რისთვისაც აგრესიულ პასუხს მიიღებს. ამგვარი დაპირისპირების შემდეგ ლეკვები სწავლობენ _ თავს არავის უნდა დაესხან, არამედ დაიცადონ და მოგვიანებით ჭამონ. მსგავსი ქცევა ხშირია მგლის ხროვაში, სადაც ნადირობის შემდეგ ნანადირევი წევრებს შორის იყოფა; ხროვის ახალგაზრდა წევრები უნდა დაელოდონ დომინანტ წევრებს, რათა მხოლოდ მათ შემდეგ შეძლონ ჭამა. უცნობებთან შეხვედრა გარეთ პირველი გასვლის დროს ლეკვი საკმაოდ აღგზნებულია. თუ თავისივე ასაკის ძაღლი შეხვდა, ჩვეულებრივ დაიწყებენ თამაშს, ყოველგვარი გართულების გარეშე. მაგრამ თუ დევნა დაუწყო შედარებით უფროს ძაღლს და თავი მოაბეზრა, ეს უკანასკნელი ლეკვს ჯერ გაფრთხილების ნიშნად დაუღრენს, მერე კი საკმაოდ გაავებული გამოეკიდება მოკლე მანძილზე. რჩევა !ნუ შეშფოთდებით, თუ ძუ უხეშად ექცევა ლეკვებს – ნაშიერების მართვით უკეთ ახერხებს მათ დაცვას.
წყარო : http://zooclub.ge
კატეგორია: ძაღლები |
ნანახია: 1858 |
დაამატა: hunting-jim
| ტეგები: ნაყართან , და , ძაღლთან , ცხოვრება , ერთად , მის 0.0 /0
მსგავსი მასალა
სულ კომენტარები: 1
Comments display order:
By default
New comments first
Old comments first
კომენტარის დამატება შეუძლიათ მხოლოდ დარეგისტრირებულ მომხმარებლებს
[
რეგისტრაცია |
შესვლა ]
მინი-პროფილი მოგესალმები: სტუმარო
კეთილი იყოს თქვენი მობრძანება. გთხოვთ დარეგისტრირდეთ ან გაიაროთ ავტორიზაცია!
ონლაინში საიტზე სულ: 7
სტუმარი: 7
მონადირე: 0
gogita12 გავიხსენოთ "ბაზიერის" პირველი ტურნირი ❤ 
