თბილისის ზოოპარკის განცხადებას უცვლელად გთავაზობთ.
"სენსაცია თბილისის ზოოპარკში!!! 10 დეკემბერს, თბილისის ზოოპარკში ძალიან იშვიათი ცხოველის, თეთრი ლომის ბოკვერები დაიბადნენ, სულ 4 ბოკვერია და ოთხივე კარგად გრძნობს თავს. პატარები ცალკე გამოვიყვანეთ, რადგან მათი დედა, კლეოპატრა, გამოუცდელობის გამო ბოკვერების მოვლას თავს ვერ ართმევდა, ამას ზამთრის სიცივეებიც დაემატა, რომელიც პატარებისთვის ძალიან საშიშია. ბოკვერები მათთვის სპეციალურად მოწყობილ თბილ ოთახში ბინადრობენ და ჩვენი თანამშრომლების მუდმივი ზედამხედველობის ქვეშ იმყოფებიან. ძალიან გახარებულები ვართ, ზოოპარკის სახელით ყველას გილოცავთ საქართველოში თეთრი ლომების დაბადებას და იმედი გვაქვს ოთხივე ჯანმრთელი გაიზრდება. რაც შეეხება ზოგადად თეთრ ლომს, ის ძალიან იშვიათი ცხოველია და ბუნებაში ძირითადად კრიუგერის ნაციონალურ პარკსა და ტიმბავიტის დაცულ ტერიტორიებზე გვხვდებოდა, თუმცა დღეს ბუნებაში საერთოდ გამქრალია და აღარ ფიქსირდება. უნდა ითქვას, რომ თეთრი ლომი მსოფლიოს სამოცდაათამდე ზოოპარკში თუ ბინადრობს და საქართველოში მათი გამრავლება ძალიან მნიშვნელოვანია მათი გადარჩენისთვის!", - აღნიშნულია განცხადებაში.
ალბინოსები არ არიან თეთრი ლომი იმას არ ნიშნავს რო ისინი მთლიანად თეთრები არიან ისინი არიან ძალიან ღია ფერის ეს ცალკე ქვესახეობაა მათი პოპულაცია ბუნებაში არ გვხვდება და თითზე ჩამოსათვლელია ისეთი ზოოპარკები სადაც თეთრი ლომები მრავლდებიან
შეიძლება, მაგრამ ალბათ ჩვეულებრივი ლომის ბოკვერი ფერითაც განსხვავებილია და იმიტომ გამოქვეყნდა ეს ამბავი ესე. ზოგადად თეთრი, რომ იყოს არც მე მჯერა, უბრალოდ შეიძლება ალბინოსები იყვნენ
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
:166: 
: 
:practice: თქვენს დაბადებას გაუმარჯოს.
