დრიფტი ( drifti ) ანუ მართვადი მოქნევა ე.წ. „ზანოსი" უკანა წამყვან თვლიანი მანქანების საფირმო ტრიუკად ითვლება. მთელი დრიფტი ეფუძნება მაქსიმალურ ბრუნვადობას, ამიტომ არის ის სწორედ უკანა წამყვან თვლიანი მანქანების პრეროგატივა. თუმცა, წინა წამყვან თვლიან მანქანებსაც შეუძლიათ დრიფტი, ხელის მუხრუჭის გამოყენებით.

არსებობს დრიფტის  ( drifti ) სხვადასხვა სახის ტექნიკა. ავტობულდოგი მათ მოკლედ მიმოიხილავს:

დრიფტი დამუხრუჭებით (Braking Drift)

დამუხრუჭება ხორციელდება მოსახვევში შესვლამდე. ამის წყალობით, ავტომობილის სიმძიმე წინა ღერძზე ინაცვლებს, ათავისუფლებს უკანა ღერძს და ამით საშუალებას აძლევს გზის ზედაპირთან შეჭიდულობა ნაწილობრივ დაკარგოს. წარმოქნილი მოქნევის („ზანოსი") ბალანსირება ხდება გაზის პედლის დაჭერითა და საჭის ტრიალით.

დრიფტი რხევით (Choku-Dori ან Swaying Drift)

ნელი დრიფტი ( drifti ) რხევით ხორციელდება მანქანის უკანა ნაწილის  აქეთ-იქით რხევით, ღერძის მოძრაობის მიხედვით, რომელიც ქანქარის მოძრაობას მოგვაგონებს.

ჭუჭყიანი დრიფტი  (Dirt Drop Drift)

უკანა ბორბლები გზიდან გადადის გრუნტიან ან ჭუჭყიან გზაზე, რათა შენარჩუნდეს მოსრიალება და მოსახვევში საჭირო სიჩქარით შესვლა მოხდეს.

დრიფტი ხელის მუხრუჭით (E-Brake/Handbrake Drift)

აქ გამოიყენება ხელის მუხრუჭი, რომელიც ბლოკირებას უკეთებს უკანა ბორბლებს და ხელს უწყობს მოსრიალებას, რაც შემდეგ ბალანსირდება საჭის ტრიალითა და გაზის პედალით. ეს დრიფტის ( drifti ) ერთ-ერთი საბაზო ხერხია.

დრიფტი ნახტომი  (Jump Drift) 

დრიფტი ( drifti ) ნახტომით – ეს არის ტექნიკა, რომელიც სპორტის ამ სახეობის შეჯიბრებზე გამოიყენება. ბორბალი, რომელიც მოსახვევის შიდა ტრაექტორიაზე იმყოფება, ბორდიურის კიდედან ან ტრასის უსწორმასწორო ადგილიდან სხლტება, რითაც სიმძიმე საპირისპირო მხარეს გადააქვს და „ზანოსს" იწვევს.

გაზის დაგდება (Kansei Drift) 

დრიფტის ( drifti ) ეს ტექნიკა მდგომარეობს იმაში, რომ მოსახვევში მაღალი სიჩქარით შესვლის დროს, გაზის პედალიდან ფეხს იღებენ. მანქანის სიმძიმე წინა ღერძზე გადადის და ავტომობილი მცირე მოსრიალებას იწყებს. ეს მოსრიალება რეგულირდება საჭით და გაზის პედალის დახმარებით.

გრძელი მოსრიალება (Long Slide Drift) 

გრძელი მოსრიალება სრულდება მაღალი სიჩქარისას. მოსახვევში შესვლა ხდება დიდი კუთხიდან, საჭე მკვეთრად ტრიალდება მოსახვევის საპირისპიროდ და ამ დროს ხდება ხელის მუხრუჭის გამოყენება, რაც მოსახვევში  სწორად შესვლით მთავრდება.

ზედმეტი სიმძლავრე (Power Over) 

 თუ თქვენი ავტომობილი საკმაო სიმძლავრით გამოირჩევა, მაშინ მოსახვევში სრული სიჩქარით შესვლა, მოქნევის – „ზანოსის" გარანტიას მოგცემთ. ესეც ერთ-ერთი საბაზო ტექნიკაა, რომელიც ზოგს სრულიად შემთხვევით, გაუმიზნავად გამოსვლია.

და ბოლოს, გთავაზობთ ვიდეო რგოლს  პოპულარული კენ ბლოკის მონაწილეობით, რომელიც  სპორტული საქონლის მაღაზია DC Shoes -ს რეკლამირებისთვის ეფექტურ შოუებს ატარებს :

დრიფტერების გუნდი სახელად Evil Empire რუსეთში: