გარემოსდაცვითი ზედამხედველობის დეპარტამენტის დასავლეთ-ცენტრალური სამმართველოს იმერეთის განყოფილების სწრაფი რეაგირების სამსახურის თანამშრომლებმა უკანონო ნადირობის ფაქტი გამოავლინეს.

სამართალდამრღვევები სამტრედიის რაიონის სოფელ ბაშში ნადირობდნენ აკრძალულ პერიოდში. მოქალაქეებს მონადირებული ჰქონდათ კურდღელი, რაც არ შედის ნადირობისთვის დაშვებული სანადირო ობიექტების სახეობების ჩამონათვალში.

სამართალდარღვევის ჩადენის იარაღები დაილუქა.

გარემოსდაცვითი ზედამხედველობის დეპარტამენტის კახეთის სამმართველოს სწრაფი რეაგირების განყოფილების თანამშრომლებმა თელავის მუნიციპალიტეტში, მდინარე ალაზანზე ელექტროშოკური აპარატით თევზაობის ფაქტი გამოავლინეს. სამართალდამრღვევს ჩამოერთვა სამართალდარღვევის იარაღები და დაილუქა.

შედგა შესაბამისი ოქმი.

ფაქტი შეიცავს სისხლის სამართლის დანაშაულის ნიშნებს.

გარემოსდაცვითი ზედამხედველობის დეპარტამენტის სამეგრელო-ზემო სვანეთის სამმართველოს თანამშრომლებმა უკანონო თევზჭერის ფაქტი გამოავლინეს.

ზუგდიდის რაიონის სოფელ რიყეში, მდინარე ენგურზე მოქალაქეები თევზაობდნენ ე.წ. ელექტროშოკური აპარატით.

ფაქტი შეიცავს სისხლის სამართლის დანაშაულის ნიშნებს.