მსოფლიოში სახელგანთქმულმა ფოტოგრაფმა – Andrew Newey–მ წარმოადგინა ფოტოსერია, სადაც ასახულია თუ როგორ აგროვებენ ნეპალის ტომის – Gurung–ის წევრები თაფლს, საკმაოდ მიუდგომელსა და სახიფათო ადგილებში.

გურუნგის ტომის „თაფლზე მონადირეები“, წელიწადში ორჯერ ეწევიან თაფლის მოგროვების საკმაოდ სახიფათო პროცსს, რომელსაც ნეპალის ცენტრალურ ნაწილში კლდეებზე დაკიდულნი ანხორციელებენ.

ისინი იმავე ინსტრუმენტებს იყენებენ, რასაც მათი წინაპრები: კალათებს, თოკისგან დამზადებულ კიბეებს (ე.წ. „ტანგოებს“) და ბამბუკის გრძელ და წამახულწვერიან ჯოხებს, რითაც კლდეზე არსებული თაფლის ფიჭას კლდეებიდან ჭრიან.

ე.წ. “თაფლზე ნადირობა“ უძველესი ტრადიციაა. ესპანეთში არსებობს 8000 წლიანი გამოქვაბულის ამსახველი ფერწერული ტილო, რომელზეც დატანილია, თუ როგორ აგროვებს მამაკაცი ამგვარი წესით კლდეზე თაფლს.

ამგვარი წესით თაფლის შეფროვება არა მხოლოდ კლდეზე დაკიდული ბაწრის კიბიდან გადმოვარდნის საშიშროებას უქმნის შემგროვებლებს, არამედ მათ ძალზედ დიდი ზომის ფუტკრებთან პირისპირ შეხვედრაც უწევთ, მაგალითად, ჰიმალაის მთის თაფლის ფუტკრის ზომა 3 სმ–ს აღწევს სიგრძეში.

ამგვარი წესით შეგროვებული თაფლი ძვირად ფასობს: ჩინეთში, იაპონიასა და კორეაში, რადგანაც თაფლი მათრობელაა. საქმე იმაში გახლავთ, რომ იმ რეგიონში, სადაც კლდეებზე თაფლი მოიპოვება, ფართოდაა გავრცელებული როდოდენდრომი, ოლეანდრა და იელი, რომლებიც ტოქსინებითაა გაჯერებული.