უკრაინაში პოპულარული შოუს, Танцуют все!-ს ("ცეკვავს ყველა") ახალი, მეექვსე სეზონი დაიწყო. მეხუთე შესარჩევ ტურში, რომელიც დნეპროპეტროვსკში გაიმართა, 4 ქართველი მოცეკვავე წარსდგა მაყურებლის წინაშე. ჟიურის წინაშე, რომლის შემადგენლობაში შედიან - მოცეკვავე ვლად იამა, ბრიტანელი ქორეოგრაფი ფრანსისკო გომესი, ბალეტმეისტერი და თეატრ Киев модерн-балет-ის დამფუძნებელი რადუ პოკლიტარუ, ასევე ქორეოგრაფი და საცეკვაო კოლექტივის - JB ballet-ის დამფუძნებელი ტატიანა დენისოვა, ბიჭებმა ქართული ცეკვის შთამბეჭდავი ილეთები შეასრულეს. მაყურებელი და ჟიურის წევრები ქართველ მოცეკვავეებს პირდაღებულნი უყურებდნენ და აპლოდისმენტებს არ იშურებდნენ. ჟიურიმ მოცეკვავეების კვარტეტი ერთხმად გადაიყვანა მორიგ ტურში.