მთავარი » 2013»ივნისი»6 » ავღანეთში ქართულ ბაზაზე მომხდარი ტერაქტის შედეგად 6 ქართველი სამხედრო მოსამსახურე დაიღუპა
00:03:36
ავღანეთში ქართულ ბაზაზე მომხდარი ტერაქტის შედეგად 6 ქართველი სამხედრო მოსამსახურე დაიღუპა
ავღანეთში კიდევ 6 ქართველი სამხედრო მოსამსახურე დაიღუპა. აღნიშნულთან დაკავშირებით თავდაცვის სამინისტროში საგანგებო განცხადება რამდენიმე წუთის წინ გაკეთდა. ოფიციალური ინფორმაციით, ჰელმანდის პროვინციაში, ქართულ მოწინავე ბაზასთან თავი თვითმკვლელმა ტერორისტმა აიფეთქა. "დიდი მწუხარებით მინდა გაცნობოთ, რომ თავდაცვის სამინისტროსა და ჩვენი ქვეყნისთვის უმძიმესი დღეა. ჰელმანდის პროვინციაში, ქართულ მოწინავე ბაზასთან მოხდა ტერორისტული თავდასხმა. თვითმკვლელმა ტერორისტმა, მოახდინა სატვირთო მანქანის აფეთქება ბაზაზე. სამწუხაროდ, მინდა გაცნობოთ, რომ არიან დაჭრილები და დაღუპულები. გარდაცვლილია 6 სამხედრო მოსამსახურე. ესენი არიან: კაპრალი ორთავიძე თეიმურაზი თამაზის ძე, კაპრალი ადამოვი გიორგი ნუგზარის ძე, პირველი კლასის რიგითი გურგენაშვილი ზურაბი გიორგის ძე, რიგითი ნარინდოშვილი მიხეილი ვეფხვიას ძე, რიგითი ცუგოშვილი ბორისი ტარიელის ძე, და პირველი კლასის რიგითი სულხანიშვილი ზვიადი სულხანის ძე. ნანგრევებშია მოყოლილი პირველი კლასის რიგითი ღუჭაშვილი გიორგი ვაჟას ძე. მიმდინარეობს მისი ძებნა. მინდა მივუსამძიმრო გმირი სამხდროების ოჯახებს. ეს დანაკლისი ჩვენთვის, მთელი შეიარაღებული ძალებისთვის უმძიმესი დარტყმაა. ისინი ჩვენი პატრიოტები არიან, რომლებიც საქართველოს უსაფრთხო მომავალს შეეწირნენ. აქვე მინდა აღვნიშნო, თავდასხმის დროს დაჭრილია საქართველოს შეიარაღებული ძალების 9 სამხედრო მოსამსახურე. მინდა ხაზგასმით აღვნიშნო, რომ დაჭრილ სამხედროების სიცოცხლეს საფრთხე არ ემუქრებათ. მიუხედავად ამ თავდასხმებისა, ქართველი სამხედროები, რომლებიც ჩვენი ქვეყნის უსაფრთხოებას იცავენ საერთაშორისო მისიაში, უკან არ დაიხევენ და მოწინააღმდეგეს არ შეუშინდებიან. ყველა ქართველი სამხედრო მოსამსახურე სრულ მზადყოფნაშია, ბოლომდე შეასრულოს მასზე დაკისრებული მისია და მაქსიმალურად პროფესიონალურად დაიცვას საერთაშორისო უსაფრთხოება.დამატებითი ინფორმაციის მისაღებად დაგვიკავშირდით თავდაცვის სამინისტროში: 2 91 04 21; 2 72 35 35 (შიდა ნომერი 2325)", - განაცხადეს თავდაცვის სამინისტროში.
თავდაცვის სამინისტროს მიერ თვადაპირველად გავრცელდა ინფორმაცია, რომ დაღუპულია 7 სამხედრო. მოგვიანებით, სამინისტრომ დააზუსტა, რომ დაღუპულია 6 სამხედრო მოსამსახურე.
როგორც ცნობილია,YouTube-ზე დღეს გავრცელდა ვიდეო, სახელწოდებით - "ჯიჰადი ავღანეთში საქართველოს ჯარების წინააღმდეგ". ვიდეო ISAF-ის მისიაში მონაწილე საქართველოს შეიარაღებული ძალების წინააღმდეგ მუქარას შეიცავს და მასში ქართველი ჯარისკაცები არიან ნაჩვენები.
ნუ, მოვიტყუებთ თავს! იმით, რომ ავღანეთში რაც უნდა ბევრი იბრძოლოს საქართველომ, ამის გამო ნატოში მიგვიღებენ. საქართველოს, ნატოში გაწევრიანებისთვის, იმდენი პრობლემა აქვს გადასაჭრელი, რომ საკითხავია, გვინდა ასეთ ფასად ნატო??(ტერიტორიების დათმობას ვგულისხმობ). კიდევ, ერთი: ჩემი აზრით, არ არის ქართველის საქმე ავღანეთში ბრძოლა! ეს,(ავღანეთში ქართული ჯარის გაგზავნა) წინა ხელისუფლების, ამერიკისთვის საამებლად გაკეთებული, მლიქვნელობა იყო და მეტი არაფერი! ევროპის ქვეყნების, უმრავლესობამ გამოიყვანა თავისი ჯარები ავღანეთიდან, ზოგმა ნაწილობრივ და ზოგმა მთლიანად. კი, იმ ქვეყნებს დალაგებული სიტუაცია აქვთ და საქართველოს სულ სხვა გასაჭირი ადგას, მაგრამ მაინც არ არის გამართლებული, რომ საქართველომ პირიქით, გაზარდა კონტიგენტი ავღანეთში. ესეც, რომ არა, რამდენად მორალურია, რომ საჯიშეს ავღანეთში ვსპობთ და სახლში გვაქვს გეი-პარადი.
უმეტესობა წასულია კარგი ანაზღაურების გამო. საქართველო ნატოში შესვლის შანსი ამ დაკარგული ტერიტორიების დაბრუნების გარეშე არ აქვს. თუ ნატოში შევათ აფხაზეთი და სამაჩაბლო უნდა დავივიწყოთ. მარტო საქართველოზე არ მაქ საუბარი საერთოდ რა ესაქმებათ ავღანეთში გინდაც ამერიკას და სხვას. შენ გსიამოვნებს რუსი რო გიდგას ცხვირ წინ ეგრეა ისიც მოგკლავს აბა რას გიზავს
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
