საქართველოს გარემოსა და ბუნებრივი რესურსების დაცვის სამინისტროს ახლადშექმნილ სახელმწიფო საქვეუწყებო დაწესებულება - გარემოსდაცვითი ზედამხედველობის დეპარტამენტში ამა წლის 29 მაისიდან ცხადდება კონკურსი თანამშრომელთა მისაღებად. გარემოსდაცვითი ზედამხედველობის დეპარტამენტი უზრუნველყოფს გარემოს დაცვისა და ბუნებრივი რესურსებით სარგებლობის სფეროში სახელმწიფო კონტროლის განხორციელებას საქართველოს მთელ ტერიტორიაზე. დეპარტამენტის საქმიანობის ძირითადი მიმართულებებია: ბუნებრივი რესურსებით უკანონო სარგებლობის, გარემოს დაბინძურების ფაქტების პრევენცია, გამოვლენა და აღკვეთა; გარემოს დაცვის სფეროში გაცემული ლიცენზიებისა და ნებართვების პირობების შესრულების კონტროლი და სხვა უფლება-მოვალეობების განხორციელება. იხილეთ დებულება თავისი ამოცანების სრულფასოვნად და ეფექტურად შესრულებისათვის დეპარტამენტს ესაჭიროება სხვადასხვა პროფესიული ცოდნის მქონე როგორც მაღალკვალიფიციური და გამოცდილი, ისე ახალგაზრდა, ენერგიული კადრების მოზიდვა. აქედან გამომდინარე, გარემოსდაცვითი ზედამხედვველობის დეპარტამენტი აცხადებს თანამშრომელთა მიღებას მთელი საქართველოს მასშტაბით, როგორც ცენტრალურ აპარატში, ისე ტერიტორიულ ორგანოებში: • ცენტრალური ოფისი (ქ. თბილისი) - 73 ვაკანსია; • კახეთის სამსახური (ქ. თელავი) - 31 ვაკანსია; • აღმოსავლეთ ცენტრალური სამსახური (ქ. მცხეთა) - 38 ვაკანსია; • ქვემო ქართლის სამსახური (ქ. რუსთავი) - 32 ვაკანსია; • სამცხე-ჯავახეთის სამსახური (ქ. ახალციხე) - 31 ვაკანსია; • დასავლეთ ცენტრალური სამსახური (ქ. ქუთაისი) - 47 ვაკანსია; • სამგრელო-ზემო სვანეთის სამსახური (ქ. ზუგდიდი) - 31 ვაკანსია; • აჭარის სამსახური (ქ. ბათუმი) - 25 ვაკანსია; • შავი ზღვის დაცვის კონვენციური სამსახური (ქ.ქ. ბათუმი, ფოთი) - 21 ვაკანსია; ვაკანტური ადგილების დასახელება და დამატებითი საკვალიფიკაციო მოთხოვნები განთავსებულია საჯარო სამსახურის ბიუროს ვებ-გვერდზე: hr.gov.ge გისურვებთ წარმატებებს.
წყარო: http://moe.gov.ge/index.php?lang_id=GEO&sec_id=40&info_id=2270
| 
gogita12 გავიხსენოთ "ბაზიერის" პირველი ტურნირი ❤ 
