წითელი პარასკევი დიდი მარხვის ყველაზე მძიმე დღეა. ამ დღეს ტაძრებში წირვა არ აღესრულება, რადგან ადამიანთა ცოდვებისგან გამოსახსნელად უფალმა საკუთარი თავი მსხვერპლად შესწირა. მსახურებისას სამეუფო ჟამნი შესრულდება, რომლის დროსაც უფლის ვნების შესახებ სახარება იკითხება.

მაგრამ რა კავშირში არის აღდგომასთან წითელი კვერცხები?
არსებობს გადმოცემა, რომ ამაღლებამდე იესო ქრისტემ თავისი მოწაფეები სხვადასხვა ადგილებში დაგზავნა, რათა ადამიანებისთვის მისი აღდგომის შესახებ ეხარებინათ. საქადაგებლად გაეშურა მარიამ მაგდალინელიც, რომლისგანაც მაცხოვარმა შვიდი ეშმაკი განდევნა და რომელმაც ღვთისმშობლის შემდეგ პირველმა იხილა მკვდრეთით აღმდგარი უფალი.
წმიდა მარიამი რომში ჩავიდა და პირდაპირ იმპერატორის სასახლეს მიაშურა. იგი ცნობილი პიროვნება იყო და ამიტომ დაუბრკოლებლად გაატარეს სასახლეში. მან იმპერატორ ტიბერიუსს საჩუქრად კვერცხი გაუწოდა და ახარა: „ქრისტე აღსდგა". იმპერატორმა ქალს ეჭვით შეხედა და წამოიძახა: „როგორ შეეძლო მკვდარს აღმდგარიყო?! ეს ისევე დაუჯერებელია, როგორც ის, რომ ახლა ეს კვერცხი გაწითლდესო". სიტყვები ჯერ არ ჰქონდა დამთავრებული, რომ კვერცხი მართლაც გაწითლდა. ამ დღიდან მოყოლებული ქრისტიანები აღდგომის ბრწყინვალე დღესასწაულს წითელი კვერცხებით ეგებებიან.

გარდა ამისა, კვერცხი მარდიული სიცოცხლის სიმბოლოა, რადგან მისგან ცოცხალი არსება იბადება, იესო ქრისტემ კი ადამიანებს სიცოცხლე მიანიჭა. წითელ ფერში სისხლი მოიაზრება, რადგან იესო ქრისტემ თავისი სისხლით სიცოცხლე განწმიდა და აკურთხა.



როგორ შევღებოთ კვერცხები? ეს თითქოს მარტივი მაგრამ საკმაოდ რთული სამუშაოა(პირადად გამოვაცე დღეს თითებიც დავიწვი)

კვერცხის შეღებვის. საუკეთესო საშუალებაა ენდრო. ერთი შეკვრა ენდრო კარგად გავრეცხით და დავჭრათ(ან დავჩეჩქვოთ)დავასხათ 1-1,5 ლიტრი წყალი, ჩაყარეთ 2-3 ხახვის გარეთა ფურცელი, 1 ჩაის კოვზი მარილი, დავდგათ ცეცხლზე და 15-20 წუთი ვადუღოთ. წყლის ადუღების შემდგომ გადმოვდგაც ცეცხლიდან და კარგად რომ გაცივდება ჩავაწყოთ 20 კვერცხი (თუ ბევრს ერთად მოვხარშავთ, კარგად არ შეიღებება და შეიძლება დასკდეს კიდევაც). თუ წყალმა კვერცხი ვერ დაფარა, ჩავამატოღ, რამდენიც საჭიროა და 20-25 წუთი ვხარშოთ ნელ ცეცხლზე, შემდეგ ფრთხილად ამოვიღოთ და შეგვიძლია ცივ წყალში გადავაწყოთ ათიოდე წუთით (ასე გაციებული კვერცხი ადვილად გაიფცქვნება).შემდგომ თუ გვსურს რო კვერცხმა ბრწყინვალება მიიღოს შეგვიძლია ზეთი გადავუსვათ ზემოდან.



ეს კვერცხი,რომელსაც სჭირდება ჯეჯილი,რათა ჩავაწყოთ.ჯეჯილის მომზადება ადრე უნდა დაიწყოს ადამიანმა და სველ ბამბაზე ხორბალი დათოსოს-მინიმუმ 2 კვირით ადრე.



ასევე უმნიშვნელოვანესი ატრიბუტია პასკა.პასკის რეცეპტი მრავალი სახის არის და ერთ-ერთ წარმოგიდგენთ.



ერთ ჭიქა თბილ რძეში გავხსნათ საფუარი და 3 ს/კ შაქარი.გავაჩეროთ სანამ არ მოიყენებს თავს.დავუმატოთ გამდნარი კარაქი, დარჩენილი რძე, შაქარი, კვერცხი და მარილი. ავურიოთ სანამ არ მივიღებთ ერთგვაროვან მასას.ნელნელა შევურიოთ ფქვილი და თან ვურიოთ.ცომი ჩავდოთ ქვაბში, დავახუროთ თავსახური და დავდგათ თბილ ადგილას, სანამ ცომი არ გაორმაგდება. სუფთა მაგიდაზე დავყაროთ 200 გრ ფქვილი, დავდოთ ცომი და შევაზილოთ ქიშმიში და დაჭრილი გარგარის ჩირი.გავყოთ ცომი ფორმების მიხედვით (თუ სპეციალური ფორმები არ გაქვთ, შესაძლებელია ქვაბში ჩააფინოთ ფოლგა და ისე გამოაცხოთ).თითოეულ ფორმაში ჩავდოთ ცომი ისე, რომ შუაზე ოდნავ მეტად შეავსოს.
ამის შემდეგ ისევ ვდგამთ თბილ ადგილას და ველოდებით ცომის ამოსვლას. ამის შემდეგ გადავუსვათ კვერცხის გული და გამოვაცხოთ 190 გრადუსზე გაცხელებულ ღუმელში. იმისათვის რომ ძირი არ მიიწვას შეიძლება ღუმელის ფსკერზე დავდგათ ჭურჭელი წყლით.
მზა პასკა შეიძლება მოვრთოთ შაქრის პუდრით, გახეხილი ქოქოსით, თხილით და ა.შ.



ესეც ასე ყველაფერი მზად არის სააღდგომო სუფრისთივს..ასე რომ მოვემზადოთ უდიდესი დღესასწაულისთვის,რათა ყველას ვახაროთ უფლის აღდგომა!!