კიდევ ერთი მგლის ლიკვიდაცია ოზურგეთის მონადირეთა ჯგუფმა დღს მოახდინა.

როგორც "გურიის მოამბეს" ჯგუფის წევრებმა აცნობეს, მტაცებლის ლიკვიდაცია დღეს, ოზურგეთის მუნიციპალიტეტის ურეკის თემის სოფელ წვერმაღალაში მოხდა.

მონადირეების განცხადებიტ, ამ დროისათვის ოზურგეთის მონადირეთა ჯგუფს 7 მგლის ლიკვიდაციის უფლება ჰქონდათ და წვერმაღალაში მოკლული მტაცებელი მეშვიდეა:

"გვესმის რომ სერიოზული პრობლემაა და მომრავლებული მტაცებელი თითქმის ყველა სოფელში ანადგურებს პირუტყვს და საფრთხეს უქმნის მოსახლეობას, მაგრამ თუ არ მივიღეთ ნებართვა ცენტრალური მთავრობიდან, არსებული კანონმდებლობის ფარგლებში, შეზღუდული ვართ განვახორციელოთ მსგავსი ღონისძიებები ამ ეტაპზე" - აცხადებენ ოზურგეთის მერიასთან არსებულ მონადიორეთა ჯგუფში.

ახალქალაქის მუნიციპალიტეტის, სოფელ ბავრასთან ახლოს მდებარე ტბაში თევზი მასიურად 10 მარტს გამოიყარა. ინფორმაციას ამის შესახებ გამოცემა “სამხრეთის კარიბჭე” ავრცელებს.

გამოცემის ცნობით, ხოსპიოს თემის მაჟორიტარი დეპუტატი, ედიკ ბერიკიანი და მერიის წარმომადგენელი, ვალენტინ ღარსლიანი ექსპერტიზის პასუხს ელოდებიან.

ხოსპიის თემის მერის წარმომადგენელის, ვალენტინ ღარსლიანის თქმით კი აღნიშნულთან დაკავშირებით მან და ედიკ ბერიკიანმა სურსათის ეროვნულ სააგენტოს და გარემოს დამცველებს მიმართეს, თუმცა ამ დრომდე უცნობია რა გახდა თევზის მასიური გამორიყვის მიზეზი – “ჯერ-ჯერობით ჩვენც არ ვიცით მიზეზი რა მოხდა, მხოლოდ იმას ვვარაუდობთ, რომ ჟანგბადის ნაკლებობა შეიძლება იყოს“, – უთხრა ღასლიანმა “სამხრეთის კარიბჭეს”.