გარემოსა და ბუნებრივი რესურსების დაცვის მინისტრი გიგლა აგულაშვილი, ბაზიერთა კლუბის წარმომადგენლებს შეხვდა.

შეხვედრაზე დამჭერ ფრინველებთან დაკავშირებით ამჟამად არსებული პრობლემები, რეგულაციები და კანონპროექტში სამომავლო ცვლილების საკითხი განიხილეს.

ბიომრავალფეროვნების, სატყეო პოლიტიკისა და იურიდიული დეპარტამენტის წარმომადგენლები, რეგულაციების შემუშავების პროცესში, ბაზიერების ჩართულობას უზრუნველყოფენ.

გარემოსდაცვითი ზედამხედველობის დეპარტამენტის დასავლეთ-ცენტრალური სამმართველოს იმერეთის განყოფილების თანამშრომლებმა თევზჭერის წესების დარღვევის ფაქტი გამოავლინეს.

წყალტუბოს რაიონის სოფელ ტყაჩირის ტერიტორიაზე, მდინარე რიონში მოქალაქე თევზაობდა ე.წ. ელექტროშოკური მოწყობილობით. სამართალდამრღვევს მოპოვებული ჰქონდა ფარფლწითელას სახეობის თევზი.

ფაქტი შეიცავს სისხლის სამართლის დანაშაულის ნიშნებს. მასალები შემდგომი რეაგირების მიზნით გადაეგზავნა ქუთაისის რაიონულ პროკურატურას.