მთავარი » 2016»მაისი»4 » ეკოლოგიური მდგომარეობით საქართველო 180 ქვეყანას შორის 111–ე ადგილზეა
20:11:29
ეკოლოგიური მდგომარეობით საქართველო 180 ქვეყანას შორის 111–ე ადგილზეა
იელის უნივერსიტეტმა ეკოლოგიური მაჩვენებლების ინდექსის შესახებ ანგარიში (EPI) გამოაქვეყნა, რომლის მიხედვითაც ფინეთი ყველაზე მწვანე ქვეყნად დასახელდა.
ამავე კვლევაში საქართველომ 111-ე ადგილი დაიკავა.
კვლევის დანიშნულებაა, დადგინდეს, თუ როგორ ზრუნავენ მსოფლიოს 180 ქვეყანაში ეკოსისტემასა და ადამიანების ჯანმრთელობაზე. კვლევის შედეგად კი მსოფლიოში ყველაზე მწვანე სახელმწიფო სახელდება. რეიტინგის შედგენისას ცხრა კატეგორიაზე მახვილდება ყურადღება: სოფლის მეურნეობა, ჰაერის სისუფთავე, ბიომრავალფეროვნება, კლიმატი, ტყეები, თევზჭერა, ჯანმრთელობაზე გავლენის მომხდენი საკითხები, წყლის რესურსები და მეთვალყურეობა წყლის სისუფთავეზე. ამ კატეგორიებში მიღებული ქულების დაჯამების მაქსიმალური მაჩვენებელი 100-ია.
ფინეთი 90.68 ქულით პირველ ადგილზე გავიდა. კვლევის ავტორები აღნიშნავენ, რომ ეკოლოგიური საკითხების გარკვეულ ნაწილთან დაკავშირებით მსოფლიომ პროგრესს მიაღწია. თუმცა მსოფლიოში ჰაერის სისუფთავის ხარისხი კვლავ უარესდება. რაც შეეხება ფინეთს, ქვეყანა უკვე მრავალი წელია, ცდილობს ნახშირორჟანგის რაოდენობა მაქსიმალურად შეამციროს. ამასთან, ელექტროობის ორ მესამედს ფინეთში უკვე განახლებადი ან ატომური ელექტროსადგურებიდან იღებენ.
შესაბამისად, ფინეთი დანარჩენი სამყაროსთვის ერთ-ერთი მისაბაძი მაგალითია. EPI გამოყოფს სხვადასხვა ტენდენციებს, რომლებიც დღეს მსოფლიოში არის გავრცელებული: 1. ჰაერის დაბინძურების გამო უფრო და უფრო მეტი ადამიანი კვდება; 2. 3.5 მილიარდზე მეტი ადამიანი (რაც მსოფლიოს მოსახლეობის ნახევარია) ცხოვრობს იმ ქვეყნებში, სადაც ჰაერის მდგომარეობა სიცოცხლისთვის საშიშია; 3. იმ ადამიანების რაოდენობა, რომლებსაც სუფთა წყალზე წვდომა არ აქვს, 2000 წლიდან განახევრებულია და ახლა 550 მილიონს შეადგენს. 2. 4 მილიარდი ადამიანი კი ანტისანიტარიაში ცხოვრობს; 4. თევზების საერთო რესურსების 34% განადგურებულია; 5. 2014 წელს 52 მილიონი კმ2-ის ფართობის ტყეები გაიჩეხა; 6. სახელმწიფოების 23% გამდინარე წყლებს არ აკონტროლებს და სხვ.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
არ მეგონა 111 ზეც თუ ვიქნებოდით 
