ინდონეზიელი მეთევზე დედე, ჯაკარტაში ჩვეულებრივი ბავშვივით იზრდებოდა. თუმცა მისი ცხოვრება მუხლზე მიღებულმა უმნიშვნელო ჭრილობამ საშინელებად აქცია.
სწორედ ამ ჭრილობის შემდეგ ბავშვს ტანზე უცნაური გამონაზარდები გამოუვიდა. დროთა განმავლობაში კი ფეხებისა და ხელების დეფორმირებაც დაეწყო, ცოტა ხანში ის „მოსიარულე ხედ“ იქცა.
დედეს ცოლი გაექცა, რომელმაც შვილები ქმარს დაუტოვა. იმისათვის, რომ ბავშვები გამოეკვება, მამამ ცირკში დაიწყო მუშაობა.
უცნაური მამაკაცი ტელეარხ Discovery-ს ეთერში მოხვდა, რის შემდეგაც დედეს დახმარება მერილენდის დერმატოლოგიის უნივერსიტეტის პროფესორმა ენტონი გასპარმა გადაწყვიტა.
მამაკაცს სისხლის ანალიზი აუღეს და დაუდგინეს, რომ მისი დაავადების მიზეზი პაპილომა ვირუსია.
პაპილომა ვირუსული დაავადებაა, კანის კეთილთვისებიანი სიმსივნეა. ის ფიზიკური კონტაქტით გადადის. ვირუსი ათობით წლის მანძილზე შესაძლოა, პასიური იყოს და მხოლოდ იმუნიტეტის შესუსტების დროს გააქტიურდეს.
როგორც წესი, ამ დაავადებას ასეთი გრანდიოზული გამონაზარდები არ სჩვევია, მაგრამ დედეს ორგანიზმში გენეტიკური მუტაცია აღმოაჩინეს, რომელმაც ანტივირუსული დაცვის მთელი სისტემა გაანადგურა და ამიტომაც, პაპილომამ ასეთ შემზარავი ფორმა მიიღო.
პროფესორმა გასპარმა ლაბორატორიული კვლევებით ჯერ მუტაციის ხასიათი უნდა დაადგინოს. შემდეგ კი გამონაზარდებს მოყინვით მოაცილებენ, ყველაზე დიდების მოკვეთას კი ოპერაცია დასჭირდება.
მკურნალობის მთელს პერიოდში დედე მიიღებს А ვიტამინს, რომელიც ორგანიზმს პაპილომას დაძლევაში დაეხმარება.
gogita12 გავიხსენოთ "ბაზიერის" პირველი ტურნირი ❤ 
ტრაგიკული ისტორია ინდონეზიელი მეთევზის შესახებ, რომლის კანი უცნაური დაავადების გამო საშინელი ქერქით დაიფარა, ჯერ კიდევ 2007 წელს მოხვდა გაზეთების ფურცლებზე. მთელი ამ დროის განმავლობაში, ადამიანები სხვადასხვა ქვეყნებიდან, გულმოდგინედ ადევნებდნენ თვალყურს მეთევზის ბედს. მას ამერიკელი ექიმი დაეხმარა, რომელმაც შეძლო, მისთვის ნაწილობრივ მაინც მოეშორებინა საზიზღარი წანაზარდები. ამის შემდეგ, მეთევზემ დაიწყო დამოუკიდებლად გადაადგილება და ხელის ხმარება. ახლა, მას იმედი აქვს რომ თავის მეორე ნახევარსაც იპოვის. მეთევზე მეუღლემ მას შემდეგ მიატოვა, რაც იგი დაავადდა ამ საშინელი სენით.
