პირველ რიგში მინდა გითხრათ რომ სტატია არ ეხება ყველა ბაზიერს ან მონადირეს, არამედ საუბარია მხოლოდ ცალკეულ ინდივიდებზე!

        და აი იწურება ნანატრი ზაფხული და უკვე შემოდგომა მოდის, მონადირეები ემზადებიან სანადიროდ, ტენიან ვაზნებს და იმედოვნებენ,რომ ეს სეზონი იქნება შედეგიანი მათთვის. სწორედ ამ პერიოდში იწყება მტაცებელი ფრინველების გადაფრენა ჩრდილოეთიდან სამხრეთისკენ, რომლებიც საქართველოში მიუყვებიან დასავლეთ ნაწილს, კერძოდ შავიზღვისპირეთს. გურია, აჭარა, სამეგრელო, აფხაზეთი მდებარეობს მათი მიგრაციის ზოლზე. სწორედ ამ დროს უამრავი "მონადირე" გამოდის რათა მოინადირონ ბუნების უმშვენიერესი და უიშვიათესი არსებები, ამით გული გაიხარონ. ისინი ესვრიან ყველაფერს რაც დაფრინავს.


დაჭრილი და დაღუპილი მტაცებლები ცვივიან მიწაზე, "მონადირეები" კი ერთმანეთს ეჯიბრებიან ვინ უფრო მეტ ირაოს, მიმინოს ჩამოაგდებს, დაჭრილ ფრინველებს თავებს აცლიან.
ხშირად შეხვდებით "მონადირეს" რომელიც ამაყად იღებს სურათებს მონადირებულ ნადავლთან, მტაცებელ ფრინველთან ერთად და თავს იწონებს

ხშირად შეხვდებით ადგილებს სადაც მიმოფანტულია დახოცილი მტაცებლები, მათ შორის ხანდახან ძალზედ იშვიათი სახეობები, ალალი, მარჯანი, შავარდენი...



დაუნდობლად იხოცება ათასობით ფრინველი და საშველი კი არ ჩანს



"მონადირეებს" ასევე თან დაჰყავთ ახალგაზრდები, ბავშვებო რომელთაც "ნადირობას" სროლას ასწავლიან და მათში ნერგავენ იმ მავნე საქმიანობას რასაც თავად აკეთებენ, ეს ბავშვები რა თქმა უნდა თავიანთი წინამორბედების მსგავსად გააგრძელებენ ბუნებისათვის ენით აღუწერელი ზარალის მიყენებას.

სურათში თქვენ ხედავთ "ბაზიერის" საფარს, ასევე ღაჟო ჩიტს... მტაცებლებს ასევე დიდ ზიანს აყენებენ ის ხალხი, ვინც თავის თავს ბაზიერებს ეძახის... ბადეში მოხვედრილი ის ფრინველები რომლებიც, მათი აზრით, გამოუსადეგარია იღუპებიან, მათ ცოცხლად თავებს აცლიან და სხვა მტაცებლების საკვებად იყენებენ.
ამ პერიოდში იჭირება და იყიდება უამრავი მტაცებელი, "ბაზიერთა" ძალაინ დიდი ნაწილი ცდილობს მტაცებელი ფრინველები თავიანთ შემოსავლის წყაროდ გაიხადონ და არავინ არ ფიქრობს რამხელა ზარალი ადგება ბუნებას.



გამოსავალი კი არ ჩანს, არ არსებობს კანონი რომელიც ამ ყველაფერს შეაჩერებს და არ ჩანს ამ კანონების აღმასრულებელი ორგანოები, მათი ყურადღაბა ამ საკითხის მიმართ. საქართველოს ამ კუთხით თავი აქვს მოჭრილი ყველა სხვა ქვეყანაში, ბევრი უცხოური ფორუმი, გვერდი აკრიტიკებს ჩვენი ქვეყნის ასეთ ვითარებას, მაგალიტად მოცემული ფოტოები ამოღებულია ფეისბუქის გვერდიდან "Bert Willaert Nature Photography", ყველა ხედავს ჩვენს სამარცხვინო ქცევას.
მე მინდა მივმართო ყველა ნამდვილ მონადირეს, ჩვენს ხელშია ჩვენი ბუნება და მისი მომავალი, ახლა მხოლოდ ჩვენ შეგვიძლია მისი გადარჩენა, მოვუწოდოთ სხვებს აღიკვეთოს ასეტთი ფაქტები და სულ თუ ვერ აღმოვფხვრით, ნაწილობრივ ხომ მაინც. დანარჩენი უკვე ჩვენს მომავალს მივანდოთ და ძალ-ღონე არ დავიშუროთ რამენაირად გამოვასწოროთ სიტუაცია...

სტატია მომზადებულია ჩემს(badri94)მიერ.