ვეშაპები დედამიწის უდიდესი ცხოველებია. მათ რიცხვს მიეკუთვნება მსოფლიოს ყველა დროის ყველაზე დიდი ცხოველი – ლურჯი ვეშაპი. ისინი პლანქტონით, ანუ ოკეანეში მცხოვრები უმცირესი მცენარეული და ცხოველური ორგანიზმებით იკვებებიან.
ვეშაპები ზღვის თბილსისხლიანი ძუძუმწოვრები არიან. მათი წინაპრები ოდესღაც მიწაზე ბინადრობდნენ. ვეშაპები ორ ქვერიგად იყოფიან:კბილიანი ვეშაპები, რომლებსაც დელფინიც მიეკუთვნება და უკბილო ვეშაპები. ყველა ვეშაპი სწრაფად დაცურავს და ყვინთავს, სხეულის ფორმით ისინი თევზებს გვანან, ხოლო კუდის ფარფლები ჰორიზონტალურად აქვთ განლაგებული და არა ვერტიკალურად, როგორც თევზებს. ისინი თევზებს არ განეკუთნებიან, ვეშაპები ზღვის ნადირნი არიან. მიწაზე მობინადრე ძუძუმწოვრების მსგავსად, ფილტვებით სუნთქვავენ. მათ სხეულის მუდმივი ტემპერატურა აქვთ, ცოცხალ ნაშიერებს შობენ და რძით კვებავენ. 
კუზა ვეშაპი საკმაოდ მოქნილი და თამაშის მოყვარულია. მისი სხეული ისეა აგებული, რომ მას წყალს ზემოთ აკრობატული ილეთების შესრულება შეუძლია. ანტარქტიკაში იგი კიბორჩხალებით იკვებება, ხოლო ჩრთილოეთის უპირატესობას თევზს ანიჭებს. უკბილო, ანუ ულვაშიანი ვეშაპი დიდი ზომის ცხოველია. ლურჯი ვეშაპი საშუალოდ სიგრძეში 26 მეტრს აღწევს, ხოლო წონაში 150 ტონას. მაგრამ, ამ შემთხვევაში, დიდი წონა გამართლებულია: წყლის ტემპერატურა ხშირად ვეშაპის სისხლის ტემპერატურაზე გაცილებით ნაკლებია. ამგვარად, სხვა ზღვის ბინადართა მსგავსად ვეშაპებსაც ემუქრებათ სხეულის ტემპერატურის დაცემა და შემდგომ დაღუპვა. თუმცა დიდ ცხოველებს ნაკლები სხეულის განიკვეთი აქვთ და, პატარა ცხოველებთან შედარებით ნაკლებ სითბოს კარგავენ. ვეშაპებს დიდი მანძილების გავლა უწევთ ამიტომ მათი მათი სხეული ისეა აგებული, რომ ნაკლები ენერგია დაიხარჯოს. სპეციალური კანქვეშა ცხიმის ფენა მათ ტემპერატურას 36-37 გრადუსზე ინახავს. გრენლანდიური ვეშაპის ცხიმის შრე 50 სმ-ს აღწევს, თუმცა აღნიშნული ფენა მჭიდროდ არ არის მიმაგრებული მის ქვედა კუნთებზე და ვეშაპს თავისუფალი მოძრაობის საშუალებას აძლევს. ცხიმი ასევე დაგროვილია ღვიძლში, ხოლო ძვლები სავსეა ზეთით. 
ე.წ. მინკეს ვეშაპი ყველაზე პატარაა უკბილო ვეშაპებს შორის. იგი ღამით ნადირობს.მისი მაკეობა 10 თვეს გრძელდება., რის შემდეგაც შობს 3 მეტრის სიგრძლის ნაშიერს. პატარა 5 თვის განმავლობაში იკვებება დედის რძით.
მიუხედავად იმისა, რომ უკბილო ვეშაპი უზარმაზარი ზომისაა, ზომიერად იკვებება. მისი სხეული ისეა აგებული, რომ სითბოს შესანარჩუნებლად ნაკლებ საკვებს მოითხოვს. ვეშაპი იკვებება პლანქტონით. ოკეანეში მცხოვრები ეს უმცირესი მცენარეული და ცხოველური ორგანიზმები საუკეთესო საკვებია წყლის ძუძუმწოვრებისთვის. თუმცა პლანქტონის უმცირესი ზომა აძნელებს სასურველი რაოდენობით მის დაგროვებას, და ვეშაპს დიდი დრო სჭირდება სანადიროდ.
წყარო: http://ucnauri.com/205849/%E1%83%A3%E1%83%99%E1%83%91%E1%83%98%E1%83%9A%E1%83%9D-%E1%83%95%E1%83%94%E1%83%A8%E1%83%90%E1%83%9E%E1%83%94%E1%8
|
gogita12 გავიხსენოთ "ბაზიერის" პირველი ტურნირი ❤ 
