დედოფლისწყაროს რაიონში მოსავლიანობის გაზრდისა და გაუდაბნოების პროცესის წინააღმდეგ მიმართული სამუშაოები მიმდინარეობს. შირაქის ველზე გარემოს დაცვის სამინისტროს ინიციატივითა და გერმანიის მთავრობის დახმარებით, 100 ჰექტარ ფართობზე უკვე გაშენდა ქარსაფარი ზოლი და საპილოტე ტყის კორომი. 

ოზურგეთის რაიონის სოფელ მაკვანეთში სამფეხა ხბო დაიბადა. პირუტყვის პატრონის, რეზო ღლონტის განცხადებით, ხბო მალევე მოკვდა. ნაყოფი ცხრათვიანი იყო, თუმცა, ანომალიური -  უკანა ორი ფეხი ზურგზე ჰქონდა ამოზრდილი, მხოლოდ ერთი - წინა ფეხი ჰქონდა, მეოთხის ადგილზე კი მხოლოდ ღრუ შეიმჩნეოდა.