10 ყველაზე ჭკვიანი ძაღლის ჯიში

ვისაც ასე თუ ისე გიყვართ და გაინტერესებთ ჩვენი საყვარელი ოთხფეხა მეგობრები, ეს პოსტი ზუსტად თქვენთვისაა. მაშ ასე, 10 ყველაზე ჭკვიანი ძაღლის ჯიში.

საზოგადოებაში გავრცელებული სტერეოტიპები ხშირად ადამიანებს ხელს უშლის ძაღლის შერჩევაში, მაგალითად ის რომ როტვეილერი აგრესიულია, დობერმანი კაციჭამია, ბოქსიორი არამდგრადი ხასიათის, ეს რა თქმა უნდა სწორი არ არის. მთავარია როგორ გავზრდით ძაღლს და როგორ ცხოვრების წესს შევაჩვევთ. ასე რომ ჩემი თხოვნა იქნება როცა გადაწყვეტთ ძაღლის შეძენას, გარგად გაიაზრეთ რისთვის, და რატომ გინდათ ის.

კიდევ ერთი ფაქტი, და ყველაზე მნიშვნელოვანი, გთხოვთ ნუ გამოიყენებთ ძაღლებს საჩხუბრად და მათი ტკივილის ხარჯზე ფულის გამომუშავებას!

დავუბრუნდეთ მთავარ თემას: 10 ყველაზე ჭკვიანი ძაღლი.

10. ავსტრალიური მენახირე

ძაღლის ეს ჯიში გამოირჩევა აქტიურობით. მათ ესაჭიროებათ რეგულარული ვარჯიში როგორც ფიზიკური, ასევე გონებრივი. ისინი არიან თავისუფალნი, კონტაქტურები. ასევე მათ საკმაოდ განვითარებული აქვთ დაცვითი ინსინქტები, ისინი იცავენ ისევე როგორც სხვადასხვა ნივთებს, ასევე ადამიანებს.

9. როტვეილერი

მიუხედავად ამ ჯიშის დაუმსახურებული რეპუტაციისა, როტვეილერი ერთ-ერთი ყველაზე საყვარელი და ერთგული ძაღლია. როტვეილერი არის ტიპური სახლის ჯიში და ერთ-ერთი საუკეთესოა საოჯახო გარემოში. ის არა მარტო საკმაოდ ჭკვიანი ძაღლია, ასევე გამორჩეულია თავისი სწრაფი ათვისების უნარით, ის საკმაოდ ადვილად იწვრთნება და ართულებს რთულ ფიზიკურ და გონებრივ ამოცანებს. როტვეილერი ასევე ერთ-ერთი ყველაზე მამაცი და ერთგული ძაღლია, ამიტომ ხშირად იყენებენ მას დასაცავად. შესაძლებელია სწორედ ეს არის მიზეზი მისი არასწორი რეპუტაციის ჩამოყალიბებისა.

8. პაპილონი

როგორ ფიქრობთ, შეიძლება ამ ძაღლის შემხედვარე ვინმეს შიში დაეუფლოს? ალბათ არა, მაგრამ საქმე იმაშია, რომ უნდა გეშინოდეთ! ეს ერთი შეხედვით საყვარელი და უწყინარი ძაღლი იმაზე გაცილებით უფრო გულადი და აგრესიულია, ვიდრე თქვენ გგონიათ, ზოგი ადამიანი კი მათ ახასიათებთ როგორც „ხასიათის" ძაღლი. თუმცა ერთი რამ უდავოა, ისინი პატრონის მიმართ ძალიან ერთგულები და მოსიყვარულენი არიან. როტვეილერის მსგავსად, ისინიც საკმაოდ მარტივად საწვრთნელი ძაღლები არიან, სწორედ ამიტომ, მსოფლიოს უჭკვიანეს ძაღლებში მათ მერვე ადგილი დაიკავეს.

7. ლაბრადორ რეტრივერი

ყველასათვის ნაცნობი და საყვარელი ჯიში, ისინი მყარად იკავებენ მეშვიდე ადგილს. ალბათ ყველამ ვიცით მათი მოსიყვარულე, კაცთმოყვარე, კონტაქტური და კეთილისმყოფელი ხასიათის შესახებ, ამიტომ ბევრს აღარ ვილაპარაკებ მათ ხასიათზე და გეტყვით, რომ ზარმაცმა ხალხმა ეს ძაღლი არ უნდა იყოლიოს! რადგან ისინი ზე-აქტიურები და მოძრავები არიან. ყოველთვის სჭირდებათ გაშლილი სივრცე, სადაც დახარჯავენ თავიანთ მოზგვავებულ ენერგიას. ეს ყველაფერი ასევე საჭიროა იმისთვის, რომ ძაღლმა წონაში არ მოიმატოს, რაც ლაბრადორებში საკმაოდ ხშირია.

6. შოტლანდიური მეცხვარე

ამ ჯიშის ბევრი მეპატრონე იფიცება, რომ ხანდახან მათი ძაღლების ინტელექტი ადამიანისას უახლოვდება… ეს რამდენად სწორია ალბათ მხოლოდ პატრონებმა იციან, თუმცა ფაქტია, რომ ზოგადად მეცხვარეები გამოირჩევიან გონებაგახსნილობით, რადგან მათი თავდაპირველი დანიშნულება (მეცხვარეობა) დაკავშირებულია დიდ გონებრივ კონცენტრაციასთან და ინტელექტთან. მისი ყოლა არაა რეკომენდირებული ბავშვებთან და უცხოებთან, თუმცა ნამდვილად არიან პატრონის ერთგულები.

5. დობერმანი

დობერმანი გამოირჩევა პატრონისადმი უდიდესი ერთგულებით, მოსიყვარულეობითა და უშიშრობით. მათ აქვთ ულევი ენერგია და უყვართ ადამიანის სამსახურში დგომა. ასევე გამორჩეულები არიან ფიცხი და აგრესიული ხასიათით, მაგრამ თუ შესაბამისად გაიწვრთნა, ის ასევე ერთ-ერთი საუკეთესოა საოჯახო გარემოში. თუმცა, მიუხედავად ამისა, დობერმანის ყოლა არ არის რეკომენდირებული ხალმრავალ და ბავშვთა თავშეყრის ადგილებში. ყველაზე კარგად კი მისი გამოყენება შესაძლებელია პატრონის თავდაუზოგავ, აგრესიულ დაცვაში.

4. ოქროსფერი რეტრივერი

ეს ჯიში ხასიათით და გარეგნობითაც საკმაოდ ჩამოგავს ლაბრადორს, თუმცა მას შედარებით უფრო გრძელი ბეწვი აქვს, რაც მის მოვლას ართულებს. ასევე ის ლაბრადორსაც უსწრებს პოპულარობაში და უკვე რამდენიმე წელია მსოფლიოში ყველაზე პოპულარული ძაღლის ადგილი უკავია, თუმა მისმა ინტელექტმა მეოთხე ადგილი დაიკავა. ის არის ტიპური ოჯახის ძაღლი, და შედის იმ ჯიშების სიაში, რომელსაც თავისუფლად შეგიძლია ანდო თოთო ბავშვი. ის ასევე ყველაზე ხშირად გამოიყენება ცირკებში და სხვა შოუებში, რადგან ყველაზე კარგად ითვისებს ფიზიკურ მოძრაობებს და სავარჯიშოებს.

3. გერმანული ნაგაზი

გერმანული ნაგაზი, როგორც ვხედავთ პირველ სამეულში შედის, განვითარებული აქვს დაცვითი ინსტინქტები. ასევე ფილმებიდან ყველამ იცით, რომ მას პოლიცია სხვადასხვა სახის ნარკოტიკულ, თუ სხვა ნივთიერებების პოვნაში იყენებს. ეს რა თქმა უნდა მითი არ არის, მას შესანიშნავად აქვს განვითარებული ყნოსვის რეცეეპტორები. ის არის ძალიან შრომის მოყვარე, სწორედ ამიტომ მას სჭირდება გარკვეული მიზანი, რათა თავი ბედნიერად იგრძნოს, მაგალითად რამეს, ან ვინმეს დაცვა.

2. პუდელი

აბა, ვინ იფიქრებდა, რომ ეს ერთ ციცქნა ძაღლი თავისი ინტელექტით მეორე ადგილზე გავიდოდა! ისინი არიან საოცრად სოციალურები და აქტიურები, სწორედ ამიტომ ხშირად მარტო ყოფნამ, ან უყურადღებობამ შეილება ის ღრმა დეპრესიამდე მიიყვანოს. მისი დიდი ინტელექტის გამო, პუდელის გამოყენება ბევრ რამეში შეიძლება. ის იწვრთნება როგორც მცველი, მეძებარი და მონადირეც კი! საბოლოოდ იმის თქმა შეილება, რომ პუდელი ძალიან სასიამოვნო ხასითის, მხიარული ძაღლია.

1. ინგლისური კოლი

დიახ, შეიძლება ბევრს იმედი გაგიცრუვდათ, რადგან თქვენთვის კარგად ნაცნობი ჯიში არ დაგხვდათ პირველ ადგილზე, მაგრამ ინგლისურმა კოლიმ თავისი უნიკალური ინტელექტის გამო, დამსახურებული პირველი ადგილი მოიპოვა. სხვა ძაღლების მსგავსად, კოლის უყვარს „საქმის" კეთება, მაგრამ ასევე არიან ძალიან ცელქები. სწორედ ამიტომ, მათი სახლში მარტო დატოვება არ შეიძლება, წინააღმდეგ შემთხვევაში, რბილად რომ ვთქვათ, სახლი განადგურებული დაგხვდებათ. ისინი საჭიროებენ მუდმივ კონტაქტს და ვარჯიშს, ასე რომ თუ თქვენ ქალაქში ცხოვრობთ, გაქვთ კორპუსის ბინა, და ყოველდღე დადიხართ სამსახურში, ყველაზე ჭკვიანი ძაღლი თქვენთვის არ ყოფილა შექმნილი. კოლის ყველაზე ბევრჯერ აქვს მოგებული ინტელექტუალური შეჯიბრები, ის თითქმის ყოველ წელს გამარჯვებულის ტიტულით ამთავრებს კონკურსს, სწორედ ამიტომაა ის პირველ ადგილზე.