მთავარი » 2011»ივლისი»1 » წყალქვეშა ტურიზმი და ხელოვნური რიფები შავი ზღვის ფსკერზე
12:04:40
წყალქვეშა ტურიზმი და ხელოვნური რიფები შავი ზღვის ფსკერზე
გარემოს დაცვის სამინისტროს ინიციატივით და გერმანიის საერთაშორისო თანამშრომლობის საზოგადოების (GIZ) მხარდაჭერით საქართველოში დაივინგ ტურიზმის და წყალქვეშა ბიომრავალფეროვნების განვითარებისთვის სამუშაოები დაიწყო. წელს აჭარაში ჩასულ ტურისტებს უკვე დაივინგ ტურებით სარგებლობაც შეუძლიათ. სპეციალისტებმა ბათუმთან ახლოს ძველი გემი ჩაძირეს, სადაც შემდგომში ხელოვნური რიფები შეიქმნება იმ ტურისტებისთვის, ვისაც წყალქვეშა სამყარო აინტერესებს. გარემოს დაცვის მინისტრმა გოგა ხაჩიძემ სპეციალისტებთან ერთად გემის ჩაძირვის პროცესში მონაწილეობა მიიღო.
"წელს ტურისტებს უკვე შეუძლიათ, რომ ბათუმთან ახლოს დაივინგის სერვისით ისარგებლონ. დაიწყო ხელოვნურად დაივინგ ტურებისთვის ინფრასტრუქტურის განვითარება. მსურველებს შეეძლებათ შავი ზღვის ფსკერზე ჩაძირული გემის და ხელოვნური რიფების ნახვა," - აღნიშნა გოგა ხაჩიძემ.
ბიომრავალფეროვნების შესაქმნელად ხომალდი წყალმცენარეებით და მიდიებით დაიფარება, რაც ზღვის ფსკერზე სხვადასხვა სახეობის თევზების მომრავლებას შეუწყობს ხელს და ერთ-ერთი ულამაზესი ადგილი იქნება. მსგავსი გამოცდილება მსოფლიოს წამყვან ტურისტულ ქვეყნებში არსებობს.
ჩაძირული გემის დათვალიერების საშუალება ნებისმიერ მსურველს ექნება. დაივინგის ტურები ხელს შეუწყობს შავი ზღვის სანაპიროზე ტურისტების რაოდენობის ზრდას.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
