იმასთან დაკავშირებით, რომ მგლებმა უკვე სერიოზული ზიანი მიაყენეს ტუვის რესპუბლიკას, ნადირობის მოყვარულთა წინაშე დაისვა მიმდინარე წლის ამოცანა - მოინადირონ არანაკლებ 700 მტაცებელი (1,5-ჯერ მეტი გასული სეზონის შედეგთან შედარებით).

გასულ წელს მტაცებლებისაგან მიყენებულმა ეკონომიკურმა ზარალმა შეადგინა 150 000 000 რუბლი. ნადირობით, რომელიც ამჟამად ხორციელდება მგლებზე, ვერ ხერხდება მათი რაოდენობის შემცირება. რესპუბლიკაში მგლის რაოდენობამ უკვე 2 000-ს გადააჭარბა. მტაცებლების მაღალი რაოდენობა ამძაფრებს სიტუაციასაც ცხოველების ცოფით დაავადებასთან მიმართებაში, იზრდება ადამიანების დაავადების რისკი.

ხელისუფლება მგლებზე მონადირეთათვის სტიმულის მისაცემად აიოლებს სანადირო იარაღის რეგისტრაციის პროცედურას, აწესებს დიდ პრიზებს ტყავების სანაცვლოდ და მატერიალურ ჯილდოებს.

გეგმაშია მგელზე მონადირეებს შორის კონკურსის ჩატარება 250 000 რუბლი საპრიზო ფონდის ოდენობით. მთავარი პრიზი - 50 000 რუბლი - გადაეცემა მონადირეს, რომელიც მოინადირებს ყველაზე მეტ მტაცებელს.

ყოველ მონადირებულ მგელზე მონადირეები მიიღებენ 7000 რუბლს. მონადირეს ჯილდოს მისაღებად დასჭირდება მხოლოდ პასპორტის, მოპოვებული მგლის ტყავისა და სანადირო ტალონის წარდგენა.

წყარო: "Охотничий Двор"