• წინა
• 1 of 3
• შემდეგი

აკვარიუმად შეიძლება ვიხმაროთ მინის სხვადასხვა ტევადობის ჭურჭელი, წყლის მინადარ ცოცხალ არსებათათვის გამოსადეგი და უსაფრთხო.

ფორმის მხრივ აკვარიუმი შეიძლება იყოს მრგვალი, ოთხკუთხედი, ტრაპეციული, მრავალწახნაგოვანი, სურათივით კედელზე მისამაგრებელი ან კუთხეში მისადგმელი. ყველა შემთხვევაში მისი კედლები გამჭვირვალე უნდა იყოს, თუნდაც მხოლოდ იმისათვის, რომ წყლის მინადართ თვალყური ვადევნოთ.

აგებულების მხრივ აკვარიუმი ორგვარია: ლითონის ჩონჩხედიანი (ალუმინის შენადნობი და უჟანგავი ფოლადი) და მთლიანად მინისგან დამზადებული. ბოლო ხანს საკმაოდ გავრცელებულ აკვარიუმებს, რომლებსაც ორგანული მინისგან აკეთებენ, ერთი ნაკლი აქვთ: გასუფთავებისას კედლები იფხაჭნება და სანახაობრივი ეფექტი ძალზედ მცირდება.

აკვარიუმის ტევადობა ლიტრობით ან ვედროებით იზომება. ტევადობის მიხედვით სამი სახის აკვარიუმი არსებობს: 1. პატარა (20 ლიტრამდე= 2 ვედრომდე), 2. საშუალო (80 ლიტრამდე), და 3. დიდი (80 ლიტრაზე მეტი). უმჯობესია მოყვერულები მეტისმეტად დიდი ტევადობის აკვარიუმს ერიდონ, რადგან 200-300 ლიტრიან აკვარუმის შემთხვევით გატეხილ მინას შეუძლია მეტისმეტად დიდი ზიანი მოგვაყენოს.

აკვარიუმის შერჩევა გემოვნებაზეა დამოკიდებული, მაგრამ ზოგჯერ ჩვენი გემოვნება გარემო პირობებსაც უნდა შევუთანხმოთ, თან ისიც უნდა გავითვალისწინოთ, რა რაოდენობისა და სასხეობის თევზის მოშენებას ვაპირებთ.

ჩონჩხედიანი აკვარიუმის შეძენა სპეციალურ ზოომაღაზიაში ან სამრეწველო მაღაზიაში შეიძლება, მთლიან მინიანისა კი აფთიაქებში. ყიდვისას უნდა შევამოწმოთ, ერთგვაროვანია თუ არა მინა და ხომ არ ჟონავს წყალი შეერთების ადგილებში. საერთოდ, მთლიანმინიან აკვრიუმში თევზების ყოლა არცთუ მიზანშეწონილია, რადგანმრუდე კედლები ძალიან ამახინჯებენ წყლის ბინადართ. ასეთ აკვარიუმს მეტწილად იყენებენ თევზების გასაზრდელად, სამკურნალოდ და წყლის მცენარეთა გასამრავლებლად.

ყველაზე მეტად გავრცელებულია სტანდარტული ოთხკუთხა აკვარიუმი, რომლის სიგანე სიმაღლის ტოლია, სიგრძე კი ერთნახევარჯერ ან ორჯერ მეტი. ასეთი აკვარიუმი უნივერსალურია, მასში შეიძლება თევზებიც ვიყოლიოთ და მცენარეებიც. უფრო დეკორატიულად ითვლება აკვარიუმი -- თეჯირი, რომლის სიმაღლე ბევრად მეტია სიგანეზე; მისი ნაირსახეობაა აკვარიუმი -- სურათი. ასეთ აკვრიუმებს უხდება გვერდებიდან შებრტყელებული და მაღალსხეულიანი (სკალარები, ტერნეციები), ხოლო იმ თევზებისთვის, რომლებიც ძირითადად ფსკერზე ცხოვრობენ ან ზედაპირთან დაცურავენ, უმჯობეისა აკვარიუმი -- ვარცლი (მისი სიმაღლე სიგანეზე ნაკლებია). სფეროსებრ აკვარიუმში შეიძლება ჩავასახლოთ ოქროს თევზები ან მარტო წყლის მცენარეები.

თევზებს წყლის გარკვეული რაოდენობა სჭირდებათ. მიღებულია მაგალითად 3-4 სმ სიგრძის ერთ თევზს 2 ლიტრი წყალი ჰყოფნის, თუკი აკვარიუმში ჭარბადაა წყლის მცენარეები. ხოლო თუ წყლის ჰაერაციის შესაძლებლობა გვაქვს, იმავე ტევადობის აკვარიუმში შეიძლება უფრო მეტი თევზის დაბინავებაც.

მაგრამ აკვარიუმში თევზების რაოდენობა მხოლოდ ტევადობაზე კი არ არის დამოკიდებული, არამედ თევზის სახეობაზეც: ართი ზომის, მაგრამ სხვადასხვა სახეობის თევზებს ჟანგბადის სხვადასხვა რაოდენობა სჭირდებათ. აკვარიუმის მოცულობას დიდი მნიშვნელობა აქვს ბიოლოგიური წონასწორობის დამყარებისათვის: რაც უფრო დიდი ტევადობისაა ჭურჭელი, მით უფრო ადვილად მყარდება ბიოლოგიური წონასწორობა და მოვლაც გაცილებით იოლია. ამიტომ ახალბედა მოყვარულმა შეძლებისდაგვარად მოზრდილი აკვარიუმი უნდა შეიძინოს (50-100 ლ. ტევადო