გარემოსდაცვითი ზედამხედველობის დეპარტამენტის აღმოსავლეთ-ცენტრალური სამმართველოს შიდა ქართლის განყოფილების თანამშრომლებმა მოქალაქის მიერ მგლის დატყვევების ფაქტი გამოავლინეს.

ინფორმაცია სოციალურ ქსელში გავრცელდა. გადამოწმების შედეგად დადგინდა, რომ ქარელის რაიონის სოფელ ძლევიჯვარში მცხოვრებ მოქალაქეს, გარეული ცხოველი საცხოვრებელი სახლის ეზოში მოწყობილ გალიაში ჰყავდა დატყვევებული.

სამართალდამრღვევის მიმართ შედგენილია შესაბამისი აქტი.

გარემოსდაცვითი ზედამხედველობის დეპარტამენტის დასავლეთ-ცენტრალური სამმართველოს იმერეთის განყოფილების სწრაფი რეაგირების სამსახურის თანამშრომლებმა უკანონო თევზჭერის ფაქტი გამოავლინეს.

ხონის რაიონის სოფელ ახალბედისეულის ტერიტორიაზე, მდინარე კუხაზე მოქალაქე თევზაობდა ხელნაკეთი ე.წ. ელექტრო შოკური მოწყობილობით.

სამართალდამრღვევს ჩამოერთვა სამართალდარღვევის ჩადენის იარაღები.

გარემოსდაცვითი ზედამხედველობის დეპარტამენტის კახეთის სამმართველოს სწრაფი რეაგირების განყოფილების თანამშრომლებმა ყვარლის მუნიციპალიტეტში, მდინარე ალაზანზე ე.წ. ელექტრო შოკური ზემოქმედების აპარატით თევზაობის ფაქტი გამოავლინეს.

სამართალდამრღვევს ჩამოერთვა სამართალდარღვევის ჩადენის იარაღები.

მასალები შემდგომი რეაგირების მიზნით გადაიგზავნება შესაბამის რაიონულ სასამართლოში.