კახეთში "წითელ ნუსხაში" შეტანილი 2 ჯიხვი მოკლეს 01.07.2014 კახეთში "წითელ ნუსხაში" შეტანილი 2 ჯიხვი მოკლეს. გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის თანამშრომლებმა ლაგოდეხის მუნიციპალიტეტში სოფელ მსხალგორში უკანონო ნადირობის დროს მოკლული 2 ჯიხვი აღმოაჩინეს. სამინისტროს ცნობით, დაღესტნური ჯიხვი საქართველოს "წითელ ნუსხაშია" შეტანილი. გარემოზე მიყენებულმა ზიანმა 130.000 ლარი შეადგინა. სამართალდამრღვევებს უკანონო ნადირობისას გამოყენებული იარაღები და 30 კილოგრამამდე ოდენობის ჯიხვის ხორცი ჩამოერთვათ. ვინაიდან, აღნიშნული ქმედება, საქართველოს სისხლის სამართლის დანაშაულის ნიშნებს შეიცავს, მასალები შემდგომი რეაგირებისათვის სამართალდამცავ ორგანოებს გადაეგზავნა.