სტუმრად ლომვეშაპებთან ტყუილად არ ჰქვია ამ საოცრებას ლომვეშაპი- საკმაოდ მრისხანე გარეგნობა აქვს. ოთხი მეტრი სიგრძის ქონიანი ტანი თითქმის ტონას იწონის და ერთი მეტრის სიდრძის ორი თეთრი ეშვი უელავს, რომლებიც პატარა თავის ზედა ყბიდან, ძირისკენაა წაზრდილი. ლომვეშაპი ზანტი და მოუქნელი გეჩვენებათ, მაგრამ აბა დაჭერა დაუპირეთ, იგი საოცრად სწრაფად იწყებს მოძრაობას. ზაფხულს ისინი პატარა კუნძულ კრუგლოვზე ატარებენ, რომელიც მოლუსკებითაა მდიდარი, ეშვების დახმარებით ლომვეშაპები სანაპირო წყლის ფსკერიდან ფხეკენ მიდიებს და ხამანწკებს, მუცელს იძღობენ და ხმელეთზე დასასვენებლად ამოფოფხდებიან. ისინი ახლომხედველები არიან, ცუდად ესმით, მაგრამ კარგად აქვთ განვითარებული ყნოსვა. ჩვეულებრივ, ივლისში, აგვისტოსა და სექტემბერში მათ სძინავთ სანაპიროს ქვიშებზე, ხმამაღლა ხვრინავენ; ლომვეშაპები მოჩხუბრები არიან: ხშირად მათ შორის ნამდვილი ომი იმართება.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
