დიდი მარხვადღეიდან დიდი წმიდა მარხვა დაიწყო, რომელიც მორწმუნე მრევლს ქრისტეს ბრწყინვალე აღდგომის დღესასწაულთან შესახვედრად ამზადებს. ეკლესიის მამები გვასწავლიან, რომ სააღდგომო მარხვა თავისი მნიშვნელობით, ღრმა სულიერ დატვირთვას ატარებს და აქედან გამომდინარე, ყოველმა ადამიანმა, ვინც კი ცდილობს, სულიერი ღვაწლი იტვირთოს, აუცილებლად უნდა გააცნობიეროს ის, თუ რა დანიშნულება აქვს მარხვას და როგორი სულიერი განწყობით უნდა დაიწყოს ის
დიდმარხვა აღდგომის ბრწყინვალე დღესასწაულისთვის მზადებას წარმოადგენს. იგი აღდგომამდე 48 დღით ადრე იწყება და ყველაზე ხანგრძლივი მარხვაა.
დიდი მარხვის დროს ორი უდიდესი დღესასწაული - ხარება და ბზობა აღინიშნება.
მართმადიდებელი ეკლესია დიდი მარხვის პერიოდში, ორმოცი დღის განმავლობაში მიცვალებულებს იხსენიებს. გარდა ამისა, ყოველდღიურად, პარასკევს საღამოდან კვირა დილის ჩათვლით პერიოდის გარდა, წმიდა ეფრემ ასურის ლოცვა იკითხება.
gogita12 გავიხსენოთ "ბაზიერის" პირველი ტურნირი ❤ 
