მთავარი » 2012»მაისი»13 » კრწანისის ქუჩის მცხოვრებნი წყალდიდობას სოფელ შინდისიდან მომავალ ხევს უკავშირებენ წყარო/Source: http://www.ambebi.ge/semtxveva/53316-krtsani
17:51:51
კრწანისის ქუჩის მცხოვრებნი წყალდიდობას სოფელ შინდისიდან მომავალ ხევს უკავშირებენ წყარო/Source: http://www.ambebi.ge/semtxveva/53316-krtsani
რწანისის ქუჩის მცხოვრებლები წუხანდელ წყალდიდობას სოფელ შინდისიდან მომავალ ხევს უკავშირებენ . როგორც "ინტერპრესნიუსთან" საუბრისას, ადგილობრივი მცხოვრებლები ამბობენ, შინდისიდან მომავალმა ხევმა თან ჩამოიტანა უზარმაზარი ხეები, რითაც ის გვირაბი ჩახერგა, რომელიც ე.წ. სამთავრობო რეზიდენციასთან არსებულ ტბასთან მდებარეობს. ამის გამო კი ხევმა ტბასთან არსებული ხიდის თავზე გადაიარა, პირველი სართულის ჯებირები მთლიანად მოანგრია და ტბაში გადავიდა, საიდანაც წყალმა გადმოხეთქა. ამჟამად ტბა დატბორილია, მასში ხეები და ქვიშაა ჩასული.
რაც შეეხება ტბის ისტორიას, ადგილობრივების ინფორმაციით, აღნიშნული ტბა იყო სამთავრობო, რომელიც 70-იან წლებში გაკეთდა, შემდეგ კი გაიყიდა. თუმცა, დღევანდელი მფლობელის შესახებ ადგილობრივ მოსახლეობას ზუსტი ინფორმაცია არ აქვს. მათი ვარაუდით, არსებობს ინფორმაცია, რომ ეს ტბა ეკუთვნის კერძო პირს, ისრაელის მოქალაქეს. რაც შეეხება ტბას, ის საფრანგეთის ელჩის რეზიდენციის მიმდებარე ტერიტორიაზე მდებარეობს. ასევე, ამავე რეზიდენციის მახლობლად არის ხიდი, რომელიც ტბას ესაზღვრება და მისი პირველი სართულიც წუხანდელი წყალდიდობის გამო მთლიანად დაზიანებულია, არმატურის მოაჯირები სრულადაა განადგურებული.
წყალდიდობამ საფრანგეთის ელჩის რეზიდენციის მიმდებარედ მხოლოდ აღნიშნული ხიდი დააზიანა და მას თავად რეზიდენციის შენობამდე არ მიუღწევია. ტბასთან ამჟამად გარემოს დაცვის სამინისტროს თანამშრომლები მუშაობენ, რომლებიც ტბასთან დაკავშირებით შექმნილ მდგომარეობას ადგილზე ეცნობიან.
გარდა ამისა, წუხანდელი წყალდიდობის შედეგად მილის გახეთქვის გამო კრწანისის დასახლების მოსახლეობას სასმელი წყალი არ მიეწოდება. კრწანისის ქუჩის მცხოვრებლების განცხადებით, მას შემდეგ, რაც სოფელ შინდისიდან ჩამომავალი ხევი ადიდდა და თან მოგლეჯილი უზარმაზარი ხეები ჩამოიტანა, მათ სასმელი წყლის მიწოდება შეუწყდათ. "ინტერპრესნიუსმა" გახეთქილი მილი შემთხვევის ადგილზე დაათვალიერა, საიდანაც სასმელი წყალი ხევში იღვრება. ადგილობრივი მოსახლეობა იმედოვნებს, რომ ხელისუფლება აღნიშნულ პრობლემას დროულად მოაგვარებს.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
