26 აპრილი 2012 – ხვალ, 27 აპრილს, 12:00 საათზე, სასტუმროში „ჰოლიდეი ინ" გაეროს განვითარების პროგრამა (UNDP) და საქართველოს გრემოს დაცვის სამინისტროსთან არსებული დაცული ტერიტორიების სააგენტო წარადგენენ ერთობლივი პროექტის შედეგებს, რომელიც მიზნად ისახავდა თუშეთის დაცული ტერიტორიების მართვისა და დაფინანსების ინოვაციური მეთოდების ტესტირებას. აგრეთვე გაიმართება ფოტო გამოფენა და დოკუმენტური ფილმის - „თუშეთს გავედრებ ტურფასა” ჩვენება. თუშეთში განხორციელებული პროექტი, რომლის ბიუჯეტი 900 ათას აშშ დოლარს აღწევს, გარემოს დაცვის გლობალური ფონდის (GEF) დაფინანსებით განხორციელდა. სამწლიანი ინიციატივის მეშვეობით შესაძლებელი გახდა თუშეთის დაცული ტერიტორიების ბიომრავალფეროვნების კვლევა, ბიომრავალფეროვნების მონიტორინგისა და პატრულირების გაუმჯობესება, ეკოტურიზმის პერსპექტივების შესწავლა და ადგილობრივი მოსახლეობისათვის დამატებითი ეკონომიკური შესაძლებლობების შექმნა ბიზნესთან თანამშრომლობის გზით. თუშეთის დაცული ტერიტორიების პოპულარიზაციის მიზნით, UNDP/GEF პროექტმა ხელი შეუწყო ყოველწლიური ფესტივალის - თუშეთობის მოწყობას. ხვალინდელ ღონისძიებაზე აგრეთვე შედგება მსჯელობა საქართველოს დაცული ტერიტორიების დაფინანსების, მართვისა და მდგრადი განვითარების პერსპექტივების შესახებ. ღონისძიება სგიორგი ხაჩიძე - საქართველოს გარემოს დაცვის მინისტრი; ინიტა პაულოვიჩა- გაეროს განვითარების პროგრამის (UNDP) ხელმძღვანელის მოადგილე და გიორგი შონვაძე - საქართველოს დაცული ტერიტორიების სააგენტოს ხელმძღვანელი დაესწრებიან:
წყარო: http://kakhetinews.ge/ge/home/news/tusetis-daculi-teritoriebis-ganvitarebisatvis-900-000-dolari-daixarja
| 
gogita12 გავიხსენოთ "ბაზიერის" პირველი ტურნირი ❤ 
