აშხაბადში, ყოველწლიურად აპრილის ბოლო კვირას აღნიშნავენ თურქმენული ცხენის დღეს. ხოლო წინა დღით, შაბათს, 23 აპრილს გაიმართება ახალთექურების საერთაშორისო სილამაზის კონკურსი.

თურქმენული ცხენის დღე დაწესდა ქვეყნის პრეზიდენტის საპარმურატ ნიიაზოვის ბრძანებით. ახალთექურის ისტორია სათავეს იღებს საუკუნეების სიღრმიდან. ჯერ კიდევ ჩვენ წელთაღრიცხვამდე მე-6 საუკუნეში ანტიკური ხანის პოეტები და ისტორიკოსები ხაზს უსვამდნენ შუააზიური ცხენების მშვენებასა და სილამაზეს.
ახალთექური ცხენი - ეს არის თურქმენი ხალხის სიამაყე. ძველად თურქმენული ოჯახის კეთილდღეობა ბევრად იყო დამოკიდებული ახალთექურის გამძლეობასა და სისწრაფეზე. ძველი თურქმენული ანდაზაც კი გვაცნობს, დილით, როდესაც თურქმენი იღვიძებდა, აუცილებლად ჯერ უნდა მოეკითხა მამის ჯანმრთელობა და შემდეგ მიეხედა თავისი ცხენისთვის.

გადმოცემით, ახალთექური ცხენების სუფთა სისხლის ჯიში გამოიყვანეს თურქმენულმა ტომებმა ”ტეკე” ისტორიულ მხარეში ”ახალ”. აქედან სახელწოდებაც - ახალთექური.

როდესაც დამოუკიდებლობის გამოცხადების წინ თურქმენულ საზოგადოებაში დაისვა საკითხი ახალი გერბის შექმნის შესახებ, მაშინ ქვეყნის ხელმძღვანელობა, საზოგადო მოღვაწენი, კულტურის მოღვაწენი და უბრალო მოქალაქენი გაერთიანდნენ იმ მოსაზრების ქვეშ, რომ ახალგაზრდა სახელმწიფოს სიმბოლო იქნებოდა ახალთექური ცხენი. დღეს თუქმენეთის სახელმწიფო გერბს ამშვენებს ჯიშის 1999 წლის მსოფლიო ჩემპიონის, შესანიშნავი ახალთექური ულაყის ”იანარდაგ”-ის პროფილი.