უკანასკნელ დრომდე ლაზერული გამოსხივების წყაროებს მხოლოდ და მხოლოდ არაცოცხალი მასალებისგან ქმნიდნენ, როგორიცაა ინერტული აირები ან ნახევრადგამტარები. მაგრამ ამერიკელმა ფიზიკოსებმა მალტე გეიტერუმ (Malte Gather) და სოკ ჰიუან იუნმა (Seok Hyun Yun) მასაჩუსეტსის ფოტომედიცინის ცენტრიდან ცოცხალ უჯრედს ლაზერული გამოსხივების გენერირება "აიძულეს”. მკვლევარებმა მწვანე მანათობელი ცილები GFP გამოიყენეს, რომელიც მედუზისგანაა Aequorea Victoria გამოყოფილი. ადამიანის თირკმელების ემბრიონალურ უჯრედებს მეცნიერებმა დნმ-ის ფრაგმენტი დაუმატეს, რომელიც უჯრედს GFP ცილის სინთეზს აიძულებს. ხსნარის წვეთი, რომელშიც GFP-იანი უჯრედები შედიან, 200 მკმ ღრეჭოიან ორ სარკეს შორის მოათავსეს. უჯრედების ლუჯრი ფერის ლაზერული იმპულსებით დასხივებისას მკვლევარებმა უჯრედის მიერ მწვანე ფერის კოჰერენტული გამოსხივების გენერირებაზე დაკვირვება შესძლეს.

არსებითად, ეს მსოფლიოში პირველი ლაზერია, რომელიც ცოცხალი ორგანიზმიდანაა გაკეთებული. აღსანიშნავია, რომ უჯრედები ასობით ლაზერული იმპულსის გამოცემის შემდგომაც ინარჩუნებდნენ სიცოცხლისუნარიანობას. მეცნიერები თვლიან, რომ ამ აღმოჩენას სამაოდ მნიშვნელოვანი გამოყენება ექნება სიმსივნეების დიაგნოსტიკასა და მკურნალობაში. მომდევნო ნაბიჯით მკვლევარები სარკეების ზომების თავად უჯრედის ზომებამდე (10-20 მკმ) შემცირებას გეგმავენ.