სატაცური (Asparagus), მცენარეთა გვარი სატაცურისებრთა ოჯახისა.
სატაცურს შეხვდებით მხოლოდ გაზაფხულზე, მზიან, მშრალ, მინდვრებზე და გორაკებზე, ბუჩქის ძირებში. იგი მსოფლიოში ერთ-ერთი ყველაზე სწრაფად მზარდი ბოსტნეულია. მას დღის
განმავლობაში 25 სმ შეიძლება მოემატოს; განასხვავებენ დედალ და მამალ ასპარაგუსს. დედალი ადვილად ამოიცნობა ნაყოფით (პატარა წითელი ბურთებით). სატაცური მდიდარია ვიტამინებითა და მინერალებით, მას უამრავ სასარგებლო თვისებასაც მიაწერენ, თან საოცრად დაბალკალორიულია - თითო ღეროში საშუალოდ, მხოლოდ და მხოლოდ 4 კალორიაა. ახდენს ნიშვნელოვანი ორგანოების კიბოს პრევენციას, ასევე ებრძვის ცელულიტს..სატაცური მდიდარია ბიოლოგიურად აქტიური ნივთიერებებით, ასპარაგინით, კუმარინით, ნახშირწყლებით, ცილებით, კაროტინოიდებით, შეიცავს C და B ჯგუფის ვიტამინებს, ეთეროვან ზეთს, გოგირდოვან მჟავას. სამკურნალოდ იყენებენ ფესვს, ნორჩ ყლორტებსა და ნაყოფს.
სატაცურის ექსტრატი, ასპარაგინი, დაბლა სწევს არტერიულ წნევას, აფართოებს პერიფერიულ სისხლძარღვებს, აძლიერებს გულის კუნთის შეკუმშვას და ანელებს გულისცემას. ხალხური მედიცინა სატაცურისგან მიღებულ პრეპარატებს იყენებს გულ-სისხლძარღვთა, თირკმლის, შარდის ბუშტის, კანის დაავადებების, რევმატიზმის, ეპილეფსიის სამკურნალოდ.
სატაცური კულინარიული დანიშნულებითაც უძველესი დროიდან გამოიყენება ის ჩვენი წინაპრების სამზარეულოში ჩვენს წელთაღრიცხვამდე გამოჩნდა. ასევე უძველესია მისი მოყვანისა და მოხმარების ისტორიული წყაროებიც.
სატაცური, გავრეცხოთ, დავჭრათ და გავთუთქოთ წყალში, სადაც ჩავამატებთ მარილს, ცოტა შაქარს და ძმარს. როდესაც სატაცური მოიხარშება (არავითარ შემთხვევაში არ უნდა გადაიხარშოს) საწურზე გადავიტანოთ. გავაცივოთ, შემდეგ მოვასხათ მაიონეზი, დავაყაროთ სალათის ფურცლები, გახეხილი ბოლოკი. მარილი, პილპილი გემოვნებით. ეს სალათი გემოვნების და ფანტაზიის მიხედვით შეგიძლიათ სხვადასხვა ინგრედიენტებითაც მოამზადოთ.
ძირითადად ცნობილია მისი ორთქლზე მოხარშული ან მოწალული ყლორტების სხვადასხვა საწებელით, კვერცხით ან ლორით დაფარვა. ასევე გემრიელია აირღუმელში ცხიმში შემწვარი, მარილით და პილპილით.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
