ხშირად ნადირობისას გვჭირდება ისეთი ვაზნები, რომლებიც უზრუნველყოფენ სანადირო ობიექტის დაზიანების საიმედოობას მცირე დისტანციაზე. ასეთი მოთხოვნილება მუდმივად არსებობს როცა ვნადირობთ ისეთ ფრინველებზე რომლებიც არიან: მწყერი, ღალღა, ტყის ქათამი, ჩიბუხა, გოჭა და თითქმის ყველა სანადირო ობიექტზე რომელთა მონადირებაში ჩვენი ოთხფეხა მეგობარი გვეხმარება, ნაბულით. ასევე ზოგჯერ იხვზე და ვალდშნეპზე გადაფრენით ნადირობისასაც საჭიროა ახლო მანძილზე გასროლის განხორციელება.
ჩვენს დღევანდელობაში მონადირეებს ძირითადად ხელთ უპყრიათ ისეთი იარაღები რომელთა ლულების შევიწროვებებია (ჩოკი და ნახევრად ჩოკი). ასეთი იარაღიდან (თუნდაც ნახევრად ჩოკის შევისწორების მქონე ლულიდან) 20 მეტრამდე მანძილზე ნაწარმოები გასროლა ხშირად ვერ აღწევს მიზანს ან პირიქით, მიზანში მოხვედრისას აფუჭებს ნანადირევს საფანტის მაღალი შეჯგუფების გამო. ამიტომ საჭიროა ისეთი ვაზნების დატენვა ან შეძენა, რომლებიც იძლევა საშუალებას ლულების შევიწროვების შემთხვევებში მოკლე მანძილზე მოგვეცეს ისეთი ეფექტი, რასაც ასე მოელის ყველა მონადირე.
როგორც მოგეხსენებათ, საფანტის გაშლის (დიამეტრის) ზრდისათვის მოკლე დისტანციებზე საფანტს ყოფენ რამდენიმე ტოლ ნაწილად, თხელი საფენებით. გამყოფ საფენებს (სეპარატორებს) ათავსებენ ჰორიზონტალურად, ვერტიკალურად(ჯვარედინად) და ა.შ.
გარდა ამ მეთოდებისა გამოიყენებენ დისპერსანტ-კონტეინერებს, რომელთა გამოყენება აადვილებს ვაზნის დატენვას, კერძოდ, დისპერსანტის გამოყენებისას არაა საჭირო თითო წილი საფანტის აწონვა. წინასწარ გადაწონილი საფანტის მთლიანი დოზა (მაგ. 30 გრამი) იყრება ამ კონტეინერში და უბრალოდ მოუსწორებთ ზედაპირს.
კი ვიცი აკო მარა მაინც ახლოს გაშლის დარა აზრი აქ,ისევ კანტეინერიანი უნდა ვიხმარო,ახლოში სახლში დავტენიდი მარა აქ წესიერი საფანტი არ იყიდება ყველა სხვადასხვა ნაირია
ჯიმი ,შენ ხო ორლულიანი გაქვს? დისპერსანტი ახლო(ქვედა) ლულაში ჩადე ხოლი შორ(ზედა) ლულაში ჩვეულებრივი უკონტეინერო ვაზნა და ახლოსაც მოკლავ თავისუფლად და უფრო შორსაც.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
