კირკიტა გვხვდება ევროპაში ,აზიასა და აფრიკაში.ბევია საქართველოშიც.ბინადრობს ტყეში,ნახევრად უდაბნოში,ველზეც.ბუდეს იკეთებს კლდის ან ფლატის ნაპრალებში,ხეზე.დებს წითელი ფერის მტრედის ტოლა 5-6 კვერცხს.იკვებება მწერებით,პატარ პატარა მღრღნელებით და ქვეწარმავლებით,(იშვიათად პატარა ჩიტებით)რითაც დიდი სარგებლობა მოაქვს სოფლის მეურნეობისათვის.
შევარდნისებრთა რიგის მტაცებელია.მისი სხეულის სიგრძე 31-38 სმ აღწევს,მასა 250 გრამამდე. დედალი დიდია მამალზე,შეფერილობითაც განსხვავდებიან ერთმანეთისგან,მამალში რუხი ფერი ჭარბობს. ბარტყი თეთრი ნაზი ღინღლით იბადება,1-თვის უკვე მთლიანად იფარება ბუმბულით,და ბუდიდანაც მიფრინავს,მაგრამ დედ-მამა მაინც კვებავს 1-2 კვირის განმავლობაში,შემდეგ კი თვითონ იწყებს დამოუკიდებლად ცხოვრებას.მამრი კირკიტა პასიურად მონაწილეობს შვილების აღზრდაში.
კირკიტას დაჭერა
კირკიტას დასაჭერად საჭიროა თაგვი(ზაზუნა)დაბალი 3-4 სმ სიმაღლის და 10-15სმ სიგრძის გალია,საიდანაც თაგვი(ზაზუნა)ვერ გამოძვრება.ამ გალიაზე ამონტაჟებთ ძუის 20-30 მარყუჟს(ყუმფს)და გალიაში სვამთ თაგვს(ზაზუნას).მახეს დებთ ისეთ ადგილას სადაც იცით რომ კირკიტები ბინადრობენ.გალია არ უნდა იყოს მკვეთრი ფერის,როგორიცაა;წითელი,ყვითელი,შავი,ლურჯი,მწვანე და ასე შემდეგ.გალია უნდა იყოს ნაცრისფერი მკრთალი. როდესაც კირკიტა დაინახავს თაგვს(ზაზუნას)დაეშვება მისკენ და დაიწყებს ფრთხიალს და ფეხის გალიაში შეყოფას შეეცდება,ამ დროს ის ებმევა,ძუის მარყუჟში.დასაგეშად საჭიროა დედალი ახალი(ნარდი)ფრინველი.მამრი შედარებით პატარაა და სუსტი. ''ნარდი'' წელს დაბადებული ფრინველს ქვია ''ნარდი'' ''კაპოეტი''(დიდი ფრინველი რომელიც ამ წელს არ არის დაბადებული)დასაგეშად არ გამოდგება,და როდესაც იჭერენ მაშინვე უშვებენ,რადგან დაშინებული ფრინველი შეიძლება რამოდენიმე წელიწადი აღარ შეწყვილდეს და ეს ჩვენივე ბუნებისთვის არის საზიანო.
კირკიტას დაბინავება (კირკიტას შენახვა კორპუსში)
კირკიტას შენახვა მიმინოსთან შედარებით ადვილია სახლის პირობებში.კირკიტას შენახვის რამოდენიმე ვარიანტი არსებობს,ერთ ერთი და ყველაზე ეფექტური არის ასეთი;მას უკეთდება 20-25 სმ სიმაღლის სწორი ჯოხი,ზედ აკრავთ მრგვალ ფიცარს ხეს,სასურველია ზედ თუ ტყავს ან დერმატინს თუ დააკრავთ,რადგან მტაცებელს თავისი ბასრი ბრჭყალები შეუნარჩუნდეს.ამ სადგამს დებთ ტაშტში სადაც მოთავსებულია ქვიშა, და სვამთ ზედ მტაცებელს.
ძერა (Milvus), მტაცებელი ფრინველების გვარი შავარდნისნაირთა რიგისა. აქვთ გრძელი, ამოკვეთილი ბოლო, ფართო, გრძელი ფრთები. მოიცავს 2 სახეობას: ბორას და ძერას. უკანასკნელი გავრცელებულია ევროპაში, აზიაში, აფრიკასა და ავსტრალიაში, მადაგასკარზე. საქართველოში ბინადრობს, ზამთარში ნომადობს. ბუდეს იკეთებენ ხეზე, კლდეზე ან ხრამში. აპრილ-მაისში დებენ 2-4 კვერცხს, რომელთა ინკუბაცია 1 თვეს გრძელდება. კრუხობს ორივე მშობელი. იკვებებიან მღრღნელებით, ქვეწარმავლებით, ლეშით, იშვიათად თევზითა და წვრილ-წვრილი ფრინველებით.
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
gogita12 გავიხსენოთ "ბაზიერის" პირველი ტურნირი ❤ 
