პატივცემულო გარემოს დამცველებო, გამაგებინეთ თქვენი ლოგიკით ვინ ვართ ჩვენ??? ვინც ბუნებას ვიცავთ თქვენს მიერვე დაცული ტურა მგლებისგან, გარეული კატებისგან, ენოტებისგან, კაჭკაჭებისგან, ჩხიკვებისგან, ყვავებისგან, ვინც არ ვესვრით ირემს , შველს, დათვს, კურდღელს, არ ვნადირობთ ხოხობზე, კაკაბზე, დურაჯზე, სავათსა თუ სარსარაკზე,, ვუშლით სხვებს უკანონო ნადირობას, ლიმიტის გადაჭარბებას, აკრძალული მეთოდებით ნადირფრინველის მოპოვებას, ვეწევით მომავალი თაობების სწორად აღზრდას, რათა მათ უყვარდეთ სამშობლო ისე ვითარცა ოჯახი საკუთარი, გაუფრთხილდეს ბუნებას , არ დააბინძუროს და არ დაანაგვიანოს, პირიქით დაეხმაროს მას იქ სადაც უჭირს, რათა ბუნებამაც დაგვეხმაროს ჩვენ და მოგვანიჭოს ის სიამოვნება, რასაც სილამაზე ჰქვია, რასაც ნისლით შებურული ჭიუხები ქვია, რასა ჩაფიქრებული ნაძვთა კორომი ჰქვია, რასაც მორაკრაკე ნაკადული ჰქვია....თქვენ გაიძახით და მოითხოვთ საზოგადოებისგან რომ ვითანამშრომლოთ თქვენთან და აქტიურად ჩავებათ ბუნებისდაცვით სხვადასხვა პროგრამებსა თუ ღონისძიებებში, ანალოგიურად ჩვენც იგივეს ვამბობთ მაგრამ ეგ გზა ტაძრამდე არ მიდის, ეს ის გზაა არაა... თქვენ გვეძახით და არ გვისმენთ, ჩვენც არ გვინდა მიმავალი ქარავნის ყურება და ძაღლივით ყეფა... დამიჯერეთ არც მე და არც ჩემნაირი სამშობლოსთვის და ბუნებისთვის გულანთებული მონადირეებს, არცერთ თქვენგანზე ნაკლებად არ გვიყვარს ჩვენი დედაბუნება, არ გვისმენთო იყო თქვენი მხრიდან ესეთი რაღაც გაჟღერებული და არის აქ სიმართლის მარცვალი და მართლებიც ხართ, თუმცა ეს იმას არ ნიშნავს რომ ჩვენ ვართ მტყუვნები, როგორ მოგისმინოთ ბატონებო როცა მონადირე და ბრაკონიერი თქვენთვის ერთი თარგით იზომება, როცა თოფიან კაცებსა და მონადირის ერთმანეთთან გაიგივებას აკეთებთ, იცით ეს რამხელა დამცირება და შეურაცყოფაა პატიოსანი მონადირისთვის, კონსტანტინე გამსახურდიასი არ იყოს:ყველაზე დიდი ტკივილი ისაა ადამინისთვის როცა იმას გაბრალებენ რის წინააღმდეგაც ბრძოლას შესწირე თავიო. იქნებ მოვიდეს ნათელი მომავალი და ჩვენ ორივენი ერთი მიმართულებით ვექაცებოდეთ ნიჩბებს, მანამდე კი თქვენ თქვენებურად გაგიმარჯოთ ჩვენ ჩვენებურად...
gogita12 გავიხსენოთ "ბაზიერის" პირველი ტურნირი ❤ 
