წარმატებები ყველას ! სასიხაარულოა რომ არ ვკარგავტ ჩვენს ტრადიციებს ამ დარგში ცა როცა მემღვრევა შავ ზღვასავით და როცა მეწყება განსაცდელი, როდესაც შენს გარდა აღარსაით, არასგზით აღარ მაქვს გასაქცევი, ტკივილი ცოტახნით დამიამე, შენს ჭერად მიიღე ჩემი ჭერი...
არ ვიცი პირველი ადგილი ვინ აიღო,მაგრამ არა მგონია გოგი ვაჩეიშვილს აეღო,რადგან მართალია მას მტაცებელი ხელზე მოსვლისას გამოეკიდა ( ასეთი შემთხვევები სხვებთანაც იყო ) , მაგრამ მის მიმინოს ისე დაჭრილ,დაპუტული მტრედი დაუგდეს, თავმოყვარე ბაზიერი ადგილს საერთოდ არ ახსენებდა ჩვენ ერთი გუნდი ვართ!!!
ისე ცნობისათვის ბაზიერთა ჩემპიონატის დასკვნითი ნაწილი ანუ ჩემპიონების გამოვლენა ტრადიციული გინებით,გაწევით და აყალმაყალით დასრულდა. ალბათ საპრიზო ადგილების დიდი ნაწილი,სპორტის ზემოთ ხსენებულ სახეობის (აყალ-მაყალის) კარგად მცოდნეებმა მიიღეს. ჩვენ ერთი გუნდი ვართ!!!
ვახ ვახ ! რა გითხრათ რით გაგახაროთ?! ვინც იყავით ფესტივალზე შეაფასეთ ნანახი დადეთ თქვენეული შეხედულებები და გააზიარეთ .... ძალიან კი მინოდოდა გია, დათოს ცაროს, ლუკას ..... გვერდით ვყოფილიყავი და ისე მედევნებინა თვალყური ფესტივალს მაგრამ რას ვიზამთ ჯერ სწავლა მერე გავლა :)):)
რაც შეეხება ჩვენი დიდი სამეგობროდან გამოსვლებს, რამოდენიმეს ფრინველი არ ყავდა, რამოდენიმემ ფრინველი შეჯიბრზე არასაკმარისი მომზადების გამო არ გაიყვანა. ჩვენგან თავისი ფრინველი "ავაზი"-მ (დათო ცარიელაშვილი) გაიყვანა,რომელმაც სტადიონზე მისვლისთანავე (ჩემპიონატის დაწყებამდე) თავისი კაპოეტი ქორი რამოდენიმეჯერ გაუშვა ხეზე და ხელზე დაუძახა. შეჯიბრებაზე კი ის კურდღელი დააჭერინა (კურდღელი ადგილიდანაც არ გარყეულა), რომლის დაკავებაც მეორე ქორმა ვერ შეძლო (იხილეთ ვიდეო), სიტუაცია შეიქმნა ისეთი, რომ ხელზე დაძახება პირიქით ანუ მტაცემბლის მსხვერპლზე გაშვების შემდეგ მოუწია, კაპოეტმა ქორმა კი უცებ ვერ მოინელა ასეთი ნადავლი რომ გამოაცალეს "ხელიდან" და ხელზე დაძახება მოუნდომეს და ხეზე გაშვების შემდეგ დროულად (2-3 წუთში) არ დაბრუნდა, რამაც უკვე სათუო (დებულებით, დებულება გვაქვს ისეთი რომ მრავალი წელია ჩემპიონის გამოვლენა ჩხუბით ხდება ) გახადა ქორებში ჩემპიონის ტიტული და ჩემპიონობის ძალისმიერი მეთოდებით აღების სურვილი მოყვა, რაც დაწყებული აყალმაყალის ძირითადი მიზეზი იყო. (ცნობისათვის დათო არ მონაწილეობდა ამ ყველაფერში,რადგან ნამდვილი ბაზიერისთვის ასეთ ჩემპიონატში მიღებულ საპრიზო ადგილს ჩალის ფასი აქვს). ხოლო მე, მიუხედავად ფრინველის არასპორტულ ფორმაში ყოფნისა (ბოლო ერთი თვის განმავლობაში მოუცლელობის გამო მხოლოდ ერთხელ ვავარჯიშე, შეჯიბების წინადღეს) ისე გამიტაცა აზარტმა, დაგეგმილი, ძუაზე საჩვენებელი ვარჯიშის ნაცვლად, შავარდენი ავუშვი,რამაც 2-3 საქნიერთან პიკირების შემდეგ, ფრინველს განავარდების სურვილი აღუძრა და უმართავი შეიქნა. ბობოყვათის გორების გადაფრენის შემდეგ ფრინველი 1 საათი დასეირნობდა,ისე რომ მისი დამნახავი არავინ იყო. ზუსტად ერთ საათში დაბრუნდა და მოვიდა საქნიერზე, ისე თითქოს ყველაფერი დაგეგმილი იყო.
დამატებულია (06.11.2012, 01:48:16) --------------------------------------------- რაც შეეხება ჩემპიონატის ორგანიზებას, ორგანიზატორებს ერთადერთი მადლობა რაშიც ეთქმით არის ის, რომ დათქვეს თარიღი და ორგანიზება გაუკეთეს ბაზიერთა შეკრებას კონკრეტული თარიღისთვის. დანარჩენს რაც შეეხება, როგორც თითქმის ყველა ჩემპიონატი რასაც დავსწრებივარ, ჩატარდა უხარისხო მსაჯობით. რამოდენიმე ყველაფერს კადრულობდა რომ რამენაირად მოეგოთ,სხვები თვალს ხუჭავდნენ. აშკარად ხდებოდა მწყრებზე,მტრედებზე ბუმბულის გამოპუტვა. აღსანიშნავია ერთადერთი ადამიანი იყო აჭარიდან, რომელი გუნდის სახელით იყო არ ვიცი. ვიდეოებში ჩანს წითელქურთუკიანი მტრედებს რომ უშვებს, სამწუხაროდ სახელი და გვარი არ ვიცი, რომელიც ამ ყველაფერს ყველაზე აშკარად აკრიტიკებდა (მიუხედავად ამისა მწყრის გამშვებებზე ეს ყველაფერი ვერ მოქმედებდა, ერთი პიროვნება მაინც ძალიან თავხედურად აგრძელებდა მწყრის გასაშვებ ადგილზე ფრთების პუტვას ,ისე თავხედურად რომ ნორმალური მსაჯი ფრინველის გაშვებას კი არა,მას, რამოდენიმე წელი მიმინოს შეჯიბრებაზე გამოყვანას აუკრძალავდა). მისი გუნდი მწყრების ნაკლებობას განიცდიდა და მიმინოებს მტრედებზე უშვებდა. მან ის არ აკადრა არც თავის თავს და არც გუნდს რომ მტრედზე თუნდაც რამოდენიმე ფრთა დაეპუტა, მიუხედავად იმისა,რომ მტრედზე ფრინველის გაშვება იგივე მანძილიდან ხდებოდა, როგორც მწყერზე. კი მართალია ვერცერთმა მათმა მიმინომ მტრედი ვერ დაიჭირა და ეს მოსალოდნელიც იყო, მაგრამ ის ადამიანი ასე ფიქრობდა და ყველა ნამდვილი ბაზიერი ასეც ფიქრობს, რომ მთავარია ღირსება. გამაჯვებაც ღირსეულია დაფასებული და უფრო მეტი სიხარულის მომტანი, ვიდრე სტატისტიკების დევნა. არადა სანამ დაიწყება ჩემპიონატი რა კარგი სიტუაციაა, ეს ამდენი ხალხი ერთმანეთს ესალმება, ეხუტება, კოცნის, გულში იკრავს, გასულ წლებს იხსენებენ, ხუმრობენ, გამოცდილებას უზიარებენ, ამბებს უყვებიან. მერე კი ... რამოდენიმე კაცი რევს ამ ყველაფერს, ვითომ ისინი არიან თავიანთი კუთხის ღირსეული შვილები.
იმედი მაქვს,რომ ახლო მომავალში უღირსებო ბაზიერების დრო დამთავრდება და მომავალში გამარჯვებული, ღირსეული, შრომისმოყვარე ბაზიერი იქნება.
თუ რამეს ვამატებ, ჩემპიონატზე ბევრი ადამიანი იყო და რომ წაიკითხავს ამ ყველაფერს შეუძლია თავისი შეხედულება დაწეროს. ჩვენ ერთი გუნდი ვართ!!!
ნამდვილათ როგორც გიამ თქვა დასაწყისი ძალიან კარგი იყო, ვნახეთ დიდიხნის უნახავი მეგობრები, გავიცანით კიდევ სხვა ბაზიერები და ამასთანავე გაუზიარეთ ერთმანეტს ჩვენი ცოდნა და რაც შეხება ფესტივალის დასასრულს შევიძინე ისეთი ცოდნა რომ ასეთი შეჯიბრებები თუ ჩატარდა არასდროს მივიღებ მონაწილეობას
მე ვარ აჭარის მუზეუმის ბუნების განყოფილების გამგე ლამარა გულორდავა. მუზეუმის ფონდში დაცულია მასალები ბაზიერებთან დაკავშირებით. ესაა ფოტოები, სტატიები გაზეთებიდან, ჯილდოები, ფრინველთა მოსართავები და სხვ. რომლებიც რამდენიმე წლის წინ გადმომცა დამჭერ ფრინველთა სექციის თავმჯდომარემ გივი ჩოგოვაძემ. ეს მის წიგნშიცაა მოხსენიებული და გამოფენაზეც გვქონდა. გაცნობებთ, რომ 2013 წლის სექტემბერში დაგეგმილი მაქვს ჩვენს მუზეუმში მოეწყოს გამოფენა ,,ფრინველთა მიგრაცია'' და ,,ბაზიერი''. ამასთან დაკავშირებით გთხოვთ, მოგვაწოდოთ მასალები, განსაკუთრებით ფოტოსურათები გადაღებული შეჯიბრებებზე ან თქვენს ფრინველთან ერთად. საჭიროა მიუთითოთ გადაღების წელი, სახელი, გვარი, სადაურობა, ფრინველის სახეობა. ინტერნეტის საშუალებით შევკრიბე მასალები, მაგრამ საჭიროა პიროვნებების დაზუსტება და მასალის გამდიდრება. გთხოვთ აცნობოთ ამის შესახებ თქვენს ნაცნობ ბაზიერებს, ახლებს თუ ვეტერანებს. გავაცნოთ დამთვალიერებელს ბაზიერობის ისტორია, ვიზრუნოთ მის პოპულარობაზე, ხელი შევუწყოთ ჩვენს რეგიონში ტურიზმის განვითარებაზე. ჩემი მისამართია; ბათუმი , ახვლედიანის ქ 4. (ყოფილი ჯინჭარაძის ქუჩა). აჭარის მუზეუმი ტ. 558 57 02 57 ; 27 09 42; სახლის–24 19 84
დასაწყისი ყოველთვის კარგია, მაგრამ ყველას უნდა საკუთარმა ფრინველმა გაიმარჯვოს და ამისთვის ყველაფერს აკეთებენ. მაგრამ მე არ მიმაჩნია გამარჯვებისთვის ყველაფრის კადრება გამართლებული საქციელი იყოს ....... მე ასე მგონია bazieri.ge
ვებ-გვერდზე გამოქვეყნებული მასალის გამოყენების ყველა უფლება ეკუთვნის საიტი "www.bazieri.ge"-ს ადმინისტრაციას. ამ მასალის (თუ მასალას სხვა რამ არ აქვს მითითებული) ნაწილობრივი ან სრული გამოყენება საიტი "ბაზიერი"-ს ადმინისტრაციასთან წერილობითი შეთანხმების გარეშე ან წყაროს: www.bazieri.ge-ს მითითების გარეშე დაუშვებელია !!!
