|
ახალი იარაღი
| |
| minchanin | დრო: პარასკევი, 24.05.2013, 15:00:15 | შეტყობინება # 1 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| გამარჯობათ მეგობრებო. გადავწყვიტე ახალი თემა შემექმნა, რaდგან მსგავსი ვერ ვნახე. საქმე შემდეგშია - სრულიად შემთხვევით ხელში ჩამივარდა ასეთი რამ.
ეს არის დუბელის ჩასაჭედებელი პისტოლეტი СМП-3, ერთი კვირა ვიფიქრე რაში გამომეყენებინა, და მომივიდა იდეა ამ აგრეგატიდან გამეკეთებინა თოფი. მით უმეტეს, რომ მე ამის უფლება მაქვს (ლიცენზია იარაღის დამზადებაზე). გადავაკეთე სასხლეტი და დამცემი მექანიზმები, გავუკეთე სამიზნე და ონდახი, დავუყენე ოპტიკა და ლაზერული სამიზნე და მივიღე ეს
დამატებულია (24.05.2013, 13:50:41)
---------------------------------------------
ნახაზებსა და სქემას შეგნებულად არ დავდებ, რადგან თავიდან ავიცილოთ მსგავსი ექსპერიმენტების ჩატარება მათი მხრიდან, ვისაც ამისი უფლება არ გააჩნია. მე მხოლოდ ვილაპარაკებ მის ტაქტიკო-ტექნიკურ შედეგებზე, ბალისტიკაზე, მასში გამოყენებულ ვაზნებსა და მუხტებზე, ასეთი იარაღის მიზანშეწონილობაზე და ა. შ.
დავიწყებ წონიდან.წონა გამოვიდა 3,8 კგ. სიგრძე 71 სმ. რა თქმა უნდა თავის სიგრძესთან შედარებით მძიმეა, მაგრამ... სამაგიეროდ დიდი გამძლეობის მარაგით („ზაპას პროჩნოსტი“). ლულის სიგრძე არის 28,5 სმ.
კომპლეკტში მოყვა სამი ლულა -ორი 8 მმ.-იანი და ერთი 12 მმ.იანი კალიბრი .მართალი გითხრათ ლულა ძალიან მოკლეა ჩემი მიზნისთვის, მაგრამ რაც არის ეგ არის. შიგნიდან და გარედან ლულები მოქრომილია
თანაც საკმაოდ ხარისხიანად, ბევრი სანადირო თოფი ვერ დაიკვეხნის ასეთ ხარისხიან მოქრომვას. ვინ თქვა საბჭოთა კავშირში უხარისხო ნაწარმს უშვემდნენო? აგრეგატი გამოშვებულია 1966 წელს. და ისე კაეგად იყო გაპოხილი საპოხი მასალით , და შენახული, რომ სრულიად ახალივით გამოიყურება. გარდა ამისა ლულები არიან ნაწრთობები ისე მყარად, რომ სახარატო ჩარხის საჭრისი ვერ იღებს. ჩემი აზრით გამძლეობის მარაგით არა თუ არ ჩამოუვარდება 7,62 კალიბრის შაშხანებს, არამედ აღემატება მათ სულ მცირე ორჯერ მაინც (თუმცა ეს ჩემი სუბიეტტური აზრია). ასეთი გამძლეობის მარაგი საშუალებას მაძლევს თამამად ჩავატარო ექსპერიმენტები ოპტიმალური მუხტისა და ტყვიის წონის შესარჩევად.
პირველი პრობლემა იყო მისთვის ვაზნის მოძებნა. მაგრამ, ლულის საგილზის ზომებიდან გამომდინარე გადავწყვიტე ვაზნები თვითონ გამეჩარხა
შემდეგი ოპერაცია იყო მათი დატენვა. 8 მმ.-იანი ფინთიხი ( კარტეჩი) ხელმისაწვდომია. გავატარე ლულაში. საკმაოდ მჭიდროდ გაიარა, და ამასთანავე ფინთიხი თითქმის არ დეფორმირებულა.ავწონე. გამოვიდა 3,13 გრამი. ბუტურლინის თეორიიდან გამომდინარე, დენთის წონა (კერძოდ "სოკოლის") უნდა იყოს 1/16. "სოკოლის" წონა გამოვიდა 0,2 გრ. მაგრამ, სულმა წამძლია და გადავწყვიტე მეტი მუხტით გამომეცადა. და დავტენე 0,35 გრ. "სოკოლით".პიჟად გამოვიყენე ხელსახოცი ქაღალდი და მაგრად ჩავპრესე. სამი მეტრიდან გახვრიტა სამი 3 სმ. -იანი ხმელი ფიჭვის ფიცარი, და მეოთხეში ტყვია ნახევრამდე (ტყვიის დიამეტრის ნახევრამდე) შევიდა. ე.ი. 94 მმ.-ზე შევიდა. ტყვიის სჩქარე (ქრონოგრაფით) აჩვენა (საშუალო) 569,8 მ/წ. ანუ 508 ჯოული ლულის ენერგია (შეიძლება არა სწორად გადავთარგმნე რუსული „დულნაია ენერგია“). თუ შევადარებთ ე,წ. „გეკოს“- ტყვიის სიჩქარე 333 მ/წ (ზოგიერთ შემთხვევასი 350 მ/წ) , ლულის ენერგია -140 ჯოული (153) , გამოდის რომ მისი (გეკოს) ტყვიის სიჩქარე 1.7 -ჯერ ნაკლებია, და ლულის ენერგია კი 4-ჯერ. „კალაშნიკოვის“ (7,62) ტყვიის სიჩქარეს 150 მ/წ-ით ჩამორჩა. და 12 კალიბრის ჟაკნის სიჩქარეს 190 მ/წ-ით აჯობა. გადავწყვიტე „სოკოლის“ მაგივრად გამომეყენებინა „რექსი“. „სოკოლის“ შეფარდება „რექს“-თან (მაღაზიის რეკომენდაციით) 1,375. ე.ი. 0,35/1,375=0,26 გრ. გავტესტე სიზუსტე
დამატებულია (24.05.2013, 13:56:19)
---------------------------------------------
რეზულტატმა არ დამაკმაყოფილა და გადავწყვიტე გამეგრძელებინა ექსპერიმენტები. დავტენე ვაზნები სტანდარტული , 0,15 გრ. „რექსით“, ტყვიის საშუალო სიჩქარე აჩვენა 378.3 მ/წ. მგონი სიჩქარეც სტანდარტულია. გავტესტე სიზუსტეზე
გავაგრძელე ექსპერიმენტები. თუ დავუჯერებთ ვ. ნ. ტროფიმოვს - „ გლუვ ლულიან თოფებში, ფორმიანი (არა სფერული) ტყვიების (ჩვენთან „ჟაკანს“ უწოდებენ) სიზუსტის მოსამატებლად მიზანშეწონილია ტყვიის („ჟაკნის“) წონის ცენტრის წინ გადაადგილება“. და მეც გადავწყვიტე ეს თეორია შემემოწმებინა. გამოვჩარხე შტამპი და პუანსონი. ავიღე 9 მმ.-იანი ფინთიხი. ორი გრანიტის ქვის ფილის მეშვეობით „რასკატალ“, (ქართულად ვერ გადავთარგმნე), მივეცი ცილინდრული ფორმა, შემდეგ შტამპისა და პუანსონის მეშვეობით მივიღე ეს
ტყვიის გარე დიამეტრი გამოვიდა 8,05 მმ. ე.ი. 0,05 მმ.-ით მეტი, ვიდრე გილზის შიგა დიამეტრია. წონა გამოვიდა -3,74 გრამი. 0,2 გრამი „რექსით“ დავტენე ვაზნები ორი მეთოდით
ერთ შემთხვევაში ტყვია მთლიანად ჩავტენე დენთამდე (ასე ვთქვათ ჩავპრესე). სურათზე მასში ასანთის ღერია ჩაშვებული, რათა ვიზუალურად ჩანდეს, თუ რა სიღრმეზეა ჩასული ტყვია. ხოლო მეორე შემთხვევაში ტყვიის სიმაღლის ნახევარზე ჩავპრესე. და ამ შემთხვევაში დენთმა, გილზის შიგა მოცულობის მხოლოდ 1/3 დაიკავა. 2/3 კი სიცარიელე იყო. გავტესტე ქრონოგრაფში. და რეზულტატმა ძალიან გამაოცა. მეგონა, იქ სადაც დენთი დაპრესილი იყო, ტყვიას მეტი სიჩქარე ექნებოდა. გამოვიდა პირიქით. თანაც ძალიან დიდი სხვაობით. ვაზნამ, სადაც ტყვია ჩაპრესილი იყო აჩვენა საშუალო სიჩქარე -169,5 მ/წ. ხოლო, ვაზნამ, სადაც ტყვია ზემოდან ჩამოცმული იყო აჩვენა -385 მ/წ. თუ დავუჯერებთ ს. გ. და გ. ს. მიტიჩკინებს -ნიტრო დენთის ძირითადი სხვაობა შავ (კვამლიან) დენთთან შედარებით იმაშია, რომ ნიტრო დენთი კარგად ფეთქდება იმ შემთხვევაში, თუ ვაზნაში ნაპერწკალთან ერთად წარმოიქმნება 20 ატმოსფერომდე წნევა. რასაც ახერხებს თანამედროვე „ჟეველოს“ კაპსულები. ჩემ შემთხვევაში, მე ჯერ ვერ გამიგია, ნუთუ ჩაპრესილმა ტყვიამ ვერ უზრუნველყო კაპსულის საჭირო წნევა? და იქ , სადაც დენთი მხოლოდ მოცულობის 1/3-ს იკავებდა, და თავისუფლად ეყარა ვაზნაში, საკმარისი წნევა შეიქმნა? ამ კითხვებზე პასუხისათვის საჭიროა სიტუაციის კარგად გაანალიზება და სწორი პასუხის ნახვა. გავტესტე სიზუსტეე
დამატებულია (24.05.2013, 14:00:15)
---------------------------------------------
ნამდვილად არაა სახარბიელო რეზულტატები. ან მე შევცდი ტყვიის კონსტრუკციაში (წინ წაწეული სიმძიმის ცენტრი), ან...
ისევ გავაგრძელე ექსპერიმენტები.
ფინთიხის ხარისხიდან გამომდინარე საჭიროდ ჩავთვალე ფინთიხის დაკალიბრება. ე. ი. შევეცადე მისთვის მიმეცა მაქსიმალურად სფერული ფორმა, რათა გასროლისას მისი ბალისტიკური ტრაექტორია უფრო სწორი ყოფილიყო. ამიტომ ფინთიხის კაკლები სათითაოდ მოვათავსე ორ, ზემოთ ნახსენებ, გრანიტის ფილებს შორის, და დავიწყე ზედა ფილის წრიული, სპირალური მოძრაობა, ზედმეტი დაწოლის გარეშე. რეზულტატი დამაკმაყოფილებელი გამოვიდა
როგორც სურათიდან ჩანს (ჩრდილს თუ გამოვრიცხავთ) იდეალური სფერო ვერ მივიღე, მაგრამ უკეთესია ვიდრე იყო. დავტენე ვაზნები „რექს“-ით, 5 ცალი მუხტით 0,2 გრ. , და 4 ცალი მუხტით 0,26 გრ. ე. ი. იმ მუხტით , რომლითაც ყველაზე მაქსიმალური ლულის ენერგია მივიღე. ჩავთვალე, რომ ტყვია მაღალი სიჩქარით, უფრო ნაკლებად გადაიხრება ქარის ზემოქმედებით და უფრო ნაკლები ვარდნა ექნება ტრაექტორიის გავლისას. თანაც, ნადირობის შემთხვევაში უფრო მეტი ბალისტიკური დაზიანება აქვს ტყვიის მოხვედრის ადგილს, ვიდრე როცა მას (ტყვიას) უფრო დაბალი სიჩქარე აქვს. არსებობს თეორია იმის შესახებ, რომ უმჯობესია ტყვია ნადირის სხეულში დარჩეს, ვიდრე მან ნადირი გახვრიტოს მთლიანად („სკვაზნოით“). მე ამ თეორიას არ ვიზიარებ. ჩემი აზრით თუ ტყვია გამჭოლად გაივლის ნადირის სხეულში, მას (სხეულს) უფრო მეტი დაზიანება ექნება მიყენებული, და უფრო მეტი სისხლდენა ექნება, ვიდრე ტყვიის დაბალი სიჩქარის დროს. მე , იარაღში ორ მახასიათებელს ვთვლი ძირითადად - სიზუსტეს, და სიმძლავრეს. კარგია, თუ იარაღს სიზუსტეც კარგი აქვს და სიმძლავრეც. თუ არა და ერთი ამ ორიდან მაინც, თუ მეორე მახასიათებელი ამით არ უარესდება . აქედან გამომდინარე გადავწყვიტე ისევ მაღალ მუხტს დავბრუნებოდი, და უფრო კარგი ხარისხის (დაკალიბრებული) ფინთიხით გამეტესტა იარაღის სიზუსტე. აი რეზულტატიც
რა თქმა უნდა ეს ვერ შეედრება „საიგა-410“-ის („პარადოქსით“) რეზულტატს, მაგრამ ჯერ ჯერობით დამაკმაყოფილებელია. თუმცა ალბათ ღირს ფიქრი მისი გაუმჯობესების შესახებ.
ასევე გავსინჯე საფანტი 4 ნომერი , დიამეტრით 3,5 მმ.
ზემოდან საფანტზე პიჟის მაგივრად დავასხი პარაფინი. 30 მეტრზე საფანტი შევიდა ფიჭვის ხმელ ფიცარში 7,5 მმ-ზე (3,5-საფანტის დიამეტრი, პლიუს მანძილი 5 მმ., ფიცრის ზედაპირიდან შიგ შესულ საფანტამდე). მე მგონი კარგი რეზულტატია. მაგრამ სამაგიეროდმოხვედრის პროცენტია 60. სულ 14 კაკალი საფანტი ჩავიდა ვაზნაში. წვრილი საფანტი არ გამიტესტავს. ეს მომავლის საქმეა.
შემდეგ რეპორტში დავწერ 4,5 მმ. კალიბრის ლულის გამოყენების შედეგებს.
ახლა, თუ რაში შეიძლება ამ იარაღის, ამ კალიბრით (8მმ.) გამოყენება. მართალია ჯერ წვრილ საფანტზე არ გამიტესტავს, მაგრამ დიდ იმედებს არ ვამყარებ. რაც შეეხება ცალ ტყვიას. პრინციპში მიღწეული შედეგებით შეიძლება ჩასაფრებით ინადირო მცირე და საშუალო ზომის ნადირზე. ასევე საშობო ღორის მოსაკლავად. ჩემი აზრით ამ ცხოველის ხელით დაკვლა არა ჰუმანურია, რადგან ის გაჭირვებული რამოდენიმე წუთის განმავლობაში სასწაულ ტანჯვას განიცდის. ხოლო ამ იარაღით კი წამის მეათედებში დალევს სულს. ამისათვის სიმძლავრე სრულიად საკმარისია.
და რაც მთავარია - ეს არის იარაღთან მუშაობა. მისი მექანიზმებისა და ტექნიკური მახასიათებლების შესწავლა და ძიება მათი გაუმჯობესების მიზნით. ანუ, ჩვენ გატაცებასთან კონტაქტი.
მე, ჩემი ექსპერიმენტებით , რა თქმა უნდა ვერ „აღმოვაჩინე ამერიკა“, და შეიძლება ყველაფერი, რაც ზემოთაა დაწერილი წააგავდეს ერთი ადამიანის დისერტაციას, როდესაც მან ჩაატარა უამრავი ცდები, თუ რა შემთხვევასი იძლევა ძროხა ყველაზე მეტ რძეს. ძროხა ჯერ მოწველა, როცა ის იწვა ერთ გვერდზე, მერე მოწველა, როცა ის იწვა მეორე დვერდზე. მერე მოწველა ფეხებ აშვერილი (მხედველობაში მყავს ძროხა) და ა. შ. და ბოლოს დაასკვნა, რომ ძროხა ყველაზე შედეგიანად იწველის როცა ის ფეხზე დგას. დარწმუნებული ვარ, რომ ბევრი რამ, რაც ზემოთაა ნახსენები, არ იქნება სიახლე ბევრი ჩვენი თანაფორუმელისთვის. მაგრამ ვიმედოვნებ, რომ მიღებული ინფორმაცია ვინმეს რამეში გამოადგება.
შეტყობინება დაამუშავა minchanin - პარასკევი, 24.05.2013, 15:04:32 |
| |
| |
| giohunt1982 | დრო: პარასკევი, 24.05.2013, 15:06:45 | შეტყობინება # 2 |
|
გენერალ-მაიორი
ჯგუფი: გამგეობის თავმჯდომარე
შეტყობინება: 5838
რეპუტაცია: 10
ამ დროისთვის: ნადირობს ან თევზაობს
| minchanin, ბრავო!  ერთი, კითხვა მაქვს, მისროლის მანძილი რამდენი იყო??
მონადირეთა კლუბი "ბაზიერი"
|
| |
| |
| minchanin | დრო: პარასკევი, 24.05.2013, 15:45:03 | შეტყობინება # 3 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| Quote (giohunt1982) minchanin, ბრავო! ერთი, კითხვა მაქვს, მისროლის მანძილი რამდენი იყო??
დიდი მადლობა ჯილდოსა და შექებისათვის. მისროლის მანძილი იყო 30 მეტრი. სამიზნეებზე აწერია. თვითონ სამიზნის ზომები-მხოლოდ სიგანე შემიძლია ვთქვა ზუსტად - 53 სმ. (შპალიერის ქაღალდია).
|
| |
| |
| zaza123 | დრო: პარასკევი, 24.05.2013, 16:26:14 | შეტყობინება # 4 |
|
ვიცეპოლკოვნიკი
ჯგუფი: ეგერი
შეტყობინება: 207
რეპუტაცია: 0
ამ დროისთვის: ნადირობს ან თევზაობს
| ა სასწაული
me var monadire
|
| |
| |
| giohunt1982 | დრო: პარასკევი, 24.05.2013, 16:59:36 | შეტყობინება # 5 |
|
გენერალ-მაიორი
ჯგუფი: გამგეობის თავმჯდომარე
შეტყობინება: 5838
რეპუტაცია: 10
ამ დროისთვის: ნადირობს ან თევზაობს
| minchanin, კი, "კუჩნოსტის" გაუმჯობესება ნამდვილად თვალში საცემია.
მონადირეთა კლუბი "ბაზიერი"
|
| |
| |
| minchanin | დრო: პარასკევი, 24.05.2013, 19:39:06 | შეტყობინება # 6 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| Quote (giohunt1982) minchanin, კი, "კუჩნოსტის" გაუმჯობესება ნამდვილად თვალში საცემია.
რა თქმა უნდა. მაგრამ კიდევ უფრო გაუმჯობესება ჯობია. თუმცა მიღწეული შეიძლება ზღვარი იყოს. ამაზე მომავალში შეიძლება ფიქრი. წინ გარდა 4,5 მმ. კალიბრისა, კიდევ 12 მმ.-იანი კალიბრი მაქვს. და მასზე მუშაობა შეიძლება კიდევ უფრო საინტერესო იყოს.
|
| |
| |
| verdzi | დრო: პარასკევი, 24.05.2013, 19:46:15 | შეტყობინება # 7 |
|
კაპიტანი
ჯგუფი: ეგერი
შეტყობინება: 62
რეპუტაცია: 0
ამ დროისთვის: ნადირობს ან თევზაობს
| მაგარია მეგობარო ყოჩაღ. 
t.geladze
|
| |
| |
| giohunt1982 | დრო: პარასკევი, 24.05.2013, 19:48:20 | შეტყობინება # 8 |
|
გენერალ-მაიორი
ჯგუფი: გამგეობის თავმჯდომარე
შეტყობინება: 5838
რეპუტაცია: 10
ამ დროისთვის: ნადირობს ან თევზაობს
| minchanin, კიდევ ერთი კითხვა: ტყვიების ჩამოსხმის ტექ. საშუალება არ გაქვთ?? ანუ, ჩამოსხმული ტყვიები არ აჯობებს?? თუ ყალიბის პრობლემაა??. ერთი არ გამოვიდა. 
მონადირეთა კლუბი "ბაზიერი"
შეტყობინება დაამუშავა giohunt1982 - პარასკევი, 24.05.2013, 21:57:04 |
| |
| |
| minchanin | დრო: პარასკევი, 24.05.2013, 22:52:19 | შეტყობინება # 9 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| Quote (giohunt1982) minchanin, კიდევ ერთი კითხვა: ტყვიების ჩამოსხმის ტექ. საშუალება არ გაქვთ?? ანუ, ჩამოსხმული ტყვიები არ აჯობებს?? თუ ყალიბის პრობლემაა??. ერთი არ გამოვიდა.
მართალი გითხრათ ჩამოსხმის კარგი სპეციალისტი არ ვარ. თუმცა ცდა შეიძლება. მაგრამ როგორი ფორმის ტყვია ავირჩიო? თუმცა ტყვიის ფორმის შერჩევა კიდევ შეიძლება. მაგრამ ზუსტი ფორმის გაკეთებაა პრობლემა. ტურბინის მსგავსი ფორმა ვერ აიტანს დიდ დტვირთვებს , რადგან ძალიან თხელი კედელი ექნება. თუმცა იდეა არაა ცუდი. საფიქრალია მისი რეალიზება. მადლობა წინადადებისთვის.
|
| |
| |
| პედიატრი | დრო: შაბათი, 25.05.2013, 00:28:50 | შეტყობინება # 10 |
|
გენერალ-მაიორი
ჯგუფი: მოდერატორი
შეტყობინება: 1533
რეპუტაცია: 1
ამ დროისთვის: ნადირობს ან თევზაობს
| კონდახის მაგიერ ჩვეულებრივი ფისტოლეტის, რევოლვერის სახელური და ავტოსაბარგულის ამორტიზატორის წვრილი შტოკისგან მისახრახნი კონდახი. სასხლეტის დამცავი რკალიც უფრო პატარა, მგონი გაალამაზებდა ნაკეთობას.
მართლა ასე მძიმეა? 3,8კგ 
თოფისწამლად რექსი 0 ანუ წითელი კოლოფით იქნება ალბათ უკეთესი.
ერთი დიდი მინუსი სამწუხაროდ: ასეთი თოფის არც გაკეთების და არც ქონის უფლება ჩვენ არ გვაქვს
|
| |
| |
| minchanin | დრო: შაბათი, 25.05.2013, 00:48:16 | შეტყობინება # 11 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| Quote (პედიატრი) კონდახის მაგიერ ჩვეულებრივი ფისტოლეტის, რევოლვერის სახელური და ავტოსაბარგულის ამორტიზატორის წვრილი შტოკისგან მისახრახნი კონდახი. სასხლეტის დამცავი რკალიც უფრო პატარა, მგონი გაალამაზებდა ნაკეთობას.
მართლა ასე მძიმეა?
კი, სიმძიმით ზუსტად ასეა. მაგრამ ბალანსი საკმაოდ კარგი აქვს. რაც შეეხება კონდახს. ეს კონდახი არ არის დახვეწილი. მაგრამ რადგან აპარატი ექსპერიმენტალურია, ამას დიდ მნიშვნელობას არ ვანიჭებ ჯერ ჯერობით. ისე, ბელორუსულ საიტზე ერთმა ეს აპარატი პპშ-ს მიამსგავსა.
|
| |
| |
| omarinnn | დრო: შაბათი, 25.05.2013, 10:32:35 | შეტყობინება # 12 |
|
მაიორი
ჯგუფი: ეგერი
შეტყობინება: 119
რეპუტაცია: 0
ამ დროისთვის: ნადირობს ან თევზაობს
| ვინც გააკეთა ეს იარაღი არ ეწყინოს არაფერში გამოადგება მონადირეს,უბრალოდ ტყვიას ისვრის და მეტი არაფერი.მე როგორც ცოტა თუ მეტი ვერკვევი გლუვ ლულიანში და ნარეზნოი იარაღებში ეგ თქვენი თოფი დავარქვათ არაფერს წარმოადგენს---არ გეწყინოთ უბრალოდ კრიმინალს თუ გამოადგება ვიღაცის შესაშინებლად,ეგ თემა არ უნდა ავწიოთ,ისე დიდი მადლობა რომ რაღაციდან რაღაცის გაკეთება შეგიძლია.
|
| |
| |
| minchanin | დრო: შაბათი, 25.05.2013, 11:13:57 | შეტყობინება # 13 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| Quote (პედიატრი) თოფისწამლად რექსი 0 ანუ წითელი კოლოფით იქნება ალბათ უკეთესი.
ერთი დიდი მინუსი სამწუხაროდ: ასეთი თოფის არც გაკეთების და არც ქონის უფლება ჩვენ არ გვაქვს
რაც შეეხება "რექს"-ს. მე მაგ დენთში კარგად ვერ ვერკვევი. ამსთან ერთად ზესტაფონში ყველა მაღაზიაში ერთნაირი "რექს"-ია ალბათ. რაც შეეხება ქონების უფლებას. მე უახლოეს პერიოდში შევეცდები ამ იარაღის დარეგისტრირებას, და თუ დამირეგისტრირეს, მისი გაყიდვა სრულიად დასაშვები იქნება. თუმცა ეს თეორიულად. მე მას ნამდვილად არ გავყიდი. ასევე შესაძლებელი იქნება მისი გაკეთება სხვისი დაკვეთით, და მერე მისი დარეგისტრირება იმ პიროვნებისვე მიერ. თუმცა ჯერ ამაზე ლაპარაკი ნაადრევია.Quote (პედიატრი) თოფისწამლად რექსი 0 ანუ წითელი კოლოფით იქნება ალბათ უკეთესი.
ერთი დიდი მინუსი სამწუხაროდ: ასეთი თოფის არც გაკეთების და არც ქონის უფლება ჩვენ არ გვაქვს დამატებულია (25.05.2013, 10:13:57)
---------------------------------------------
Quote (omarinnn) ინც გააკეთა ეს იარაღი არ ეწყინოს არაფერში გამოადგება მონადირეს,უბრალოდ ტყვიას ისვრის და მეტი არაფერი.მე როგორც ცოტა თუ მეტი ვერკვევი გლუვ ლულიანში და ნარეზნოი იარაღებში ეგ თქვენი თოფი დავარქვათ არაფერს წარმოადგენს---არ გეწყინოთ უბრალოდ კრიმინალს თუ გამოადგება ვიღაცის შესაშინებლად,ეგ თემა არ უნდა ავწიოთ,ისე დიდი მადლობა რომ რაღაციდან რაღაცის გაკეთება შეგიძლია.
მადლობთ ძამია გამოხმაურებისთვის. შევეცდები თქვენი შენიშვნაც გავითვალისწინო.
|
| |
| |
| giohunt1982 | დრო: შაბათი, 25.05.2013, 13:03:43 | შეტყობინება # 14 |
|
გენერალ-მაიორი
ჯგუფი: გამგეობის თავმჯდომარე
შეტყობინება: 5838
რეპუტაცია: 10
ამ დროისთვის: ნადირობს ან თევზაობს
| Quote (omarinnn) ,ეგ თემა არ უნდა ავწიოთ
რატომ არ უნდა ”ავწიოთ”??? რა არი ამ თემაში უინტერესეო და უსარგებლო??? 
მონადირეთა კლუბი "ბაზიერი"
|
| |
| |
| პედიატრი | დრო: შაბათი, 25.05.2013, 14:18:15 | შეტყობინება # 15 |
|
გენერალ-მაიორი
ჯგუფი: მოდერატორი
შეტყობინება: 1533
რეპუტაცია: 1
ამ დროისთვის: ნადირობს ან თევზაობს
| ისე, ბატონო minchanin, თქვენ პნევმატური იარაღების კეთებაში გაქვთ გამოცდილება და თუ შეგიძლიათ ასეთი იდეის რეალიზება: რომ მაგალითად იჟ-53 ფისტოლეტისთვის ან რომელიმე ჰატსან-ტორუნ-კრალ თოფისთვის(იაფი და ხელმისაწვდომია) დაამზადოთ ე.წ. "კიტი", რომელსაც დგუშ-ზამბარა-უკანასამაგრის მაგიერ ჩასვამთ და იარაღი ზდპ-დან მულტიკომპრესიულად გადაკეთდება?
|
| |
| |
| minchanin | დრო: შაბათი, 25.05.2013, 17:27:54 | შეტყობინება # 16 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| Quote (პედიატრი) ე.წ. "კიტი", რომელსაც დგუშ-ზამბარა-უკანასამაგრის მაგიერ ჩასვამთ და იარაღი ზდპ-დან მულტიკომპრესიულად გადაკეთდება?
ეგეთი პროექტი ჯერ კიდევ მინსკში დავიწყე. ჯერ ჯერობით სრულყოფილი არაა, და დამუშავება უნდა.
|
| |
| |
| vakotakonino | დრო: კვირა, 26.05.2013, 16:15:26 | შეტყობინება # 17 |
|
ჯგუფი: წაშლილები
| მაგარი ხარ minchanin,
|
| |
| |
| minchanin | დრო: ორშაბათი, 01.07.2013, 21:22:21 | შეტყობინება # 18 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| გავაგრძელებ ჩემს თემას. დღევანდელი ქვეთემა შეეხება პნევმატიკისა და ცეცხლსასროლის შეჯვარებას. თითქმის ყველა ფორუმზე, რომლის ენაც მე მესმის, დრო და დრო წამოჭრილა ხოლმე კითხვა-შეიძლება თუ არა პნევმატური იარაღის ტყვიის გასროლა „ჟეველოთი“ ? და, თუ რა ენერგიას განავითარებს ტყვია, და იქნება თუ არა ის ზუსტი, და რამდენად მიზანშეწონილია ეს შეჯვარება როგორც ფინანსურად, ასევე პრაქტიკულად. ჰო, და მეც გადავწყვიტე ჩამეტარებინა ჩემი ექსპერიმენტები და გამომეტანა ჩემი დასკვნები.
მინდა მივმართო ადმინს - ეს ქვეთემა არ გამოდის გლუვ ლულიანებზე საუბარი, მაგრამ არც მთლად პნევმატიკაცაა, და არც ხრახნ ლულიანად შეიძლება ჩაითვალოს. გარდა ამისა ეხება იარაღს, რომელიც ამ თემაშია, და ამიტომ გადავწყვიტე აქვე დამეწერა ეს ქვეთემაც. თუ ადმინისტრაცია საჭიროდ ჩათვლის შეიძლება ამ ქვეთემის გადატანა სხვა თემაში.
მაშ ასე გავაგრძელოთ. გამოვიყენე ისევ ჩემი ხირიმი. მასში ჩავსვი პნევმატური თოფის MP-512-ის ლულა
და მივიღეთ ეს
დამატებულია (01.07.2013, 20:18:06)
---------------------------------------------
იქნა გამოყენებული ტყვიები „ბარაკუდა მატჩ“ -0,69 გრ., „შმელი“ (რუსული წარმოების)-0,69 გრ., და 0.8 გრ.. კაფსული „ჟეველო“ თეთრი გულით. გამოვჩარხე „ჟეველოს“ ჩასასმელი ბუდე, ჩავდე ტყვია და შემდეგ ზედ მივადე კაფსული. პირველი სროლების მერე საერთოდ სიზუსტეზე ლაპარაკიც კი ზედმეტი იყო. 20 მეტრზე თაბახის ფურცელს ნახევარი არ ხვდებოდა. დავიწყე ძიება. შევამჩნიე, რომ კაფსული ტყვიას თავის (ტყვიის) საწყის ადგილზე აზიანებდა და „იუბკას“ აწყვეტტა. და იმ ადგილზე ლულის შიგა ზედაპირზე აწეპებდა. და დანარჩენი ტყვიის ნაწილი კი გარეთ გამოდიოდა. ამიტომაც იყო სროლის ასეთი უზუსტობა. ტყვიის (უფრო სწორედ ტყვიის იმ ნაწილის, რომელიც გარეთ გამოვარდებოდა) სიჩქარე მერყეობდა 307 დან 358 მ/წ-დე. ლულის ენერგიის გაზომვას აზრი არ ჰქონდა, რადგან ტყვიის წონის დადგენა შეუძლებელი იყო. ამ ეფექტის თავიდან ასაცილებლად გადავწყვიტე ტყვია წამეწია 25 მმ-ით წინ, და ამით მომეცილებინა „ჟეველოდან“. სიზუსტემ ცოტა მოიმატა. 20 მეტრზე უკვე ყველა ნასროლი ეტეოდა თაბახის ფურცელზე. კიდევ წავწიე ტყვია წინ 10 მმ-ით (სულ 35 მმ). სიზუსტემ კიდევ უფრო მოიმატა. და ასეთი ექსპერიმენტების საფუძველზე მივიღე ტყვიის „ჟეველოდან“ ოპტიმალური დაშორება 50 მმ. ასეთ შემთხვევაში ტყვიის სიჩქარეები იყო: „ბარაკუდა მატჩი“-0,69 გრ.-267 მ/წ -24,6 ჯ., “შმელი”-0,69 გრ. – 263 მ/წ -23,9 ჯ., „შმელი“-0,8 გრ. -253 მ/წ -25,6 ჯ. სიზუსტით ყველას აჯობა „შმელმა“-0,69 გრ.
ეს ტყვია წააგავს მცირე კალიბრიანი (5,6 მმ.) ვაზნის ტყვიას. სურათზე მარცხნივ. სამწუხაროდ ჩემი ფოტო ვერ იღებს ახლოდან საკმაოდ კარგად, და ამიტომ ტყვიის ფორმა და მისი დამზადების ხარისხი გარკვეულად არ ჩანს. სიზუსტე 39 მეტრზე, ოდნავ ქარი იყო. !!!!!!!!!!
დამატებულია (01.07.2013, 20:19:39)
---------------------------------------------
ყველა ეს ექსპერიმენტები ჩატარებული იყო ორი თვის უკან. მერე ეს ლულა გვერდზე გადავდე და გადავედი 8 მმ.იან კალიბრზე. რომელზედაც რეპორტი ზემოთაა ნაჩვენები. და ახლახან გადავწყვიტე ისევ დავბრუნებოდი 4,5 მმ.-იან კალიბრს. და გამეგრძელებინა ექსპერიმენტები. კერძოდ „ჟეველოს“ ლულაში ჰერმეტულად ჩასმა. გამოვიყენე ფტოროპლასტი. ჰერმეტულობა კარგი გახდა. დავიწყე სროლები. 20 მეტრში 10 სანტიმეტრიანი ჯგუფი. კარგად გავწმინდე ლულა ლატუნის ბუძგით. სიზუსტე ცოტა უკეთესი გახდა. მაგრამ მაინც შეუდარებლად ცუდი, ვიდრე იყო. გადავწყვიტე „ჟეველოს“ ბუდე გამეკეთებინა იმ ზომის, როგორიც არის გილზში. ე.ი. „ჟეველო“ არა თუ თავისუფლად, არამედ მჭიდროდ, ჩაქუჩის მეშვეობით ჩამესვა. მართალია სრულიად არა პრაქტიკულია, მაგრამ საჭირო იყო მიზეზის ნახვა. ჩავსვი. დავაგრძელე სროლები. არავითარი დადებითი შედეგი. დავიწყე ტყვიის ლულაში გატარება და მისი დათვალიერება გამადიდებელი შუშის მეშვეობით. და რა ვნახე, ტყვიაზე „ნარეზების“კვალი საერთოდ არ იყო. ვისროლე წყალში.ტყვია ნაწილობრივ დეფორმირდა წყალთან შეხვედრის გამო, მაგრამ „ნარეზის“კვალი არც მას არ აჩნდა. მაშინ მივაქციე ყურადღება, რომ ტყვიის ლულაში წინ წაწევის დროს იგრძნობოდა არა თუ მისი სრიალი, არამედ თითქოს რაღაც ხაოიანს ეხებაო. და ეს შეგრძნება იყო მაშინ , როცა ტყვია გადიოდა ზემოთ ხსენებულ 50 მმ.-ს. გადავწყვიტე ლულის ეს ნაწილი გადამეჭრა, შემდეგ გამეჭრა შუაზე და დამეთვალიერებინა. ასეც ვქენი
დამატებულია (01.07.2013, 20:20:01)
---------------------------------------------
სამწუხაროდ აქაც ცუდად ჩანს. ლულას შიგნით „ნარეზები” აღარც კი ემჩნეოდა. ლულის ეს ნაწილი არა თუ დაჟანგული იყო, არამედ ეროზირებული. და ეს იმის გამო, რომ ბოლო სროლების მერე, ლულა რომ მოვხსენი და 8 მმ.-იანი კალიბრის ექსპერიმენტებზე გადავედი, ლულა არც გამიწმენდია, და არც დამიზეთია. მანამდე კი „ფეირის“ და WD-40 -ს ვხმარობდი ხოლმე. ახლა კი დამავიწყდა მისი გაწმენდა. და შედეგმაც არ დააყოვნა. იარაღიდან ნამდვილად არ ვარ შორს, მაგრამ თუ ასე ჩქარა, და ასე ძლიერად მოხდებოდა ლულის (მოუქრომელი ლულის) ეროზია ნამდვილად არ მეგონა. ბერთოლეს მარილმა თავისი „საქმე“ ფრიადზე შეასრულა. ნამდვილად გული დამწყდა მინსკში 50 დოლარად ნაყიდ ლულაზე. მაგრამ „ნაუკა ბეზ პოტერ ნე ბივაეტ“.
მიღწეული შედეგებიდან გამომდინარე შეიძლება ითქვას:
დამატებულია (01.07.2013, 20:20:22)
---------------------------------------------
1. ტყვიის სიჩქარე და ლულის ენერგია საკმაოდ მაღალია.
2. სიზუსტეც, ჩემი აზრით, კარგია. 39 მეტრზე 7 გასროლიდან 22 მმ.-იანი ჟგუფი შეიძლება კარგ რეზულტადად ჩაითვალოს. არ გამოვრიცხავ შედეგის უფრო გაუმჯობესებას, თუ „ჟეველოს“ უფრო ჰერმეტულად ჩავსვავთ. ტყვიის სიჩქარის არა სტაბილურობა იყო + -14 მ/წ. თუმცა არ გამოვრიცხავ თვითონ „ჟეველოში“მყოფი ასაფეთქებელი მასალის რაოდენობის არა სტაბილურობასაც. რადგან მასში („ჯეველოში“) ამ მასალის წონა არის დაახლოებით 0,15 გრ. და მისი შევსება +- 10 პროცენტით სანადირო თოფის ნებისმიერი კალიბრისთვის დიდ ცდომილებას არ წარმოადგენს. ხოლო ჩვენს შემთხვევაში კი მოსალოდნელია საგრძნობი ცდომილების მოსაცემად.
3. საკმაოდ არა პრაქტიკულია, განსაკუთრებით სანადიროდ. რადგან საჭიროა , როგორც ზემოთ ვახსენე „ჯეველოს“ ჰერმეტულად ჩასმა. და ამ შემთხვევაში მისი ამოღება საკმაოდ ძნელდება.
4. თვითონ ტყვიისა და მერე „ჟეველოს“ ჩასმა გაცილებით რთულია ვიდრე თოფში ვაზნის ჩადება.
დამატებულია (01.07.2013, 20:21:40)
---------------------------------------------
5. „ჟეველო“ პრაქტიკულად ანადგურებს 4,5 კალიბრის ლულას. რადგან, სანადირო თოფთან განსხვავებით მხოლოდ ის მოქმედებს ლულის ზედაპირზე. თუ სანადირო თოფში ბერთოლეს მარილის ნამწვი ეხება ლულის ზედაპირს უკვე შერეული დენთის აირთან, და ამ მოცულობაში მისი (ბერთოლეს მარილის ნამწვის მოცულობა) გაცილებით ნაკლებია დენთის აირებთან შედარებით , ჩვენს შემთხვევაში კი დენთის აირები საერთოდ არ არიან.
დამატებულია (01.07.2013, 20:22:06)
---------------------------------------------
გარდა ამისა ის („ჟეველოს“) ნამწვი უშუალოდ, კორპუსიდან („ჟეველოს“ კორპუსიდან) გამოვარდნისას ეხება უკვე ლულის შიგა ზედაპირს, და არა გილზს, როგორც სანადირო თოფში. და ყველა ეს პროცესები სწრაფად აფუჭებენ პნევმატური თოფის ლულის შიგა ზედაპირს. შეიძლება ამის თავიდან აცილება სჭრაფი წმენდით? სრულიად მოსალოდნელია. თუმცა ბერთოლეს მარილის ნამწვი იმდენად აგრესიულია ასეთ მცირე მოცულობაში, რომ მე პირადად მეორეთ ვერ გავრისკავ კარგი ლულის გამოყენებას ასეთი ექსპერიმენტებისთვის.
დამატებულია (01.07.2013, 20:22:21)
---------------------------------------------
6. ფინანსურად, ვფიქრობ რომ არამიზანშეწონილია, რადგან ერთი „ჟეველოს“ ფასი 10 თეთრია, და ამას პლიუს ტყვიის ფასი 15 თეთრი 1 ცალი. უბრალო ტყვიას ვერ იხმარ. ხოლო „შმელი“, და სხვა ზემოთ ხსენებული ტყვიები საკმაოდ ძვირებია. მე გაყიდვაში „შმელი“ არც კი მინახავს. კიდევ მინსკიდან მაქვს შემორჩენილი ცოტაოდენი. სულ 35 თეთრი. არც ისე იაფია ერთი გასროლა.
7. ასეთი გადაკეთება საჭიროებს ლიცენზიას. რადგან ეს უკვე ხეცხლსასროლია და აქედან გამომდინარე ყველა შესაძლო შედეგებით.
ესც კიდევ ერთი რეპორტი საინტერესო (ვფიქრობ რომ ბევრისთვის) თემაზე.
შემდეგი რეპორტი იქნება 12 მმ.-იანი კალიბრის გამოყენების ექსპერიმენტებზე.
ყველას მიმართ პატივისცემით მინჩანინი.
|
| |
| |
| TURA | დრო: ორშაბათი, 01.07.2013, 21:47:12 | შეტყობინება # 19 |
|
მაიორი
ჯგუფი: ეგერი
შეტყობინება: 159
რეპუტაცია: 2
ამ დროისთვის: ნადირობს ან თევზაობს
| მალადეც ძმაო
|
| |
| |
| minchanin | დრო: შაბათი, 27.07.2013, 22:38:26 | შეტყობინება # 20 |
|
ვიცეპოლკოვნიკი
ჯგუფი: ეგერი
შეტყობინება: 328
რეპუტაცია: 2
ამ დროისთვის: ნადირობს ან თევზაობს
| გამარჯობათ მეგობრებო.
დღეს მინდა გაგაცნოთ ჩემი ექსპერიმენტების შედეგები 12 მმ-იან კალიბრის ლულაზე.
როგორც ადრე ვახსენე ჩემს "ხირიმს" მოყვა 8 მმ-იანი კალიბრის და 12 მმ-იანი კალიბრის ლულები. 8 მმ-იან, და ასევე 4,5 მმ-იანი ლულების შედეგებზე ზემოთაა ნახსენები. დარჩენილი იყო 12 მმ-იანი ლულა. ეს კალიბრი თითქმის 32 კალიბრს უტოლდება (საერთაშორისო - 12,7-13,1 მმ., რუსეთის - 12,5-12,7 მმ.), მაგრამ იმ განსხვავებამ, რასაც აქვს ადგილი, არ მომცა საშუალება 32 კალიბრის ვაზნა გამომეყენებინა. და ამიტომ მივმართე უკვე გამოცდილ ხერხს, და გამოვჩარხე ვაზნები.
ვაზნის სიგრძე გამოვიდა 65 მმ. დავტენე დენთით "რექსი" - 0,7 გრ. და საფანტით #6 - 18 გრ. გავტესტე 30 მეტრზე, და მივიღე, სამიზნეზე ზომებით 73 სმ Х 53 სმ. - 41 პროცენტი მოხვედრა. სახამებლით დატენილმა კი მომცა 52 პროცენტი მოხვედრა. არც თუ მაინც და მაინც სახარბიელოა. გადავწყვიტე დამეყენებია ჩოკი. მაგრამ საქმეს ართულებდა ის გარემოება, რომ ლულა (როგორც ზემოთ ვახსენე) არის ნაწრთობი ისე კარგად, რომ საჭრისი არ იღებს და იწვის. ამიტომ მასში შიგნიდან ხრახნის მოჭრა შეუძლებელი გახდა. ამ გარემოებამ გამირთულა ჩოკის მექანიზმის კონსტრუკცია, მაგრამ პრობლემა საბოლოოდ მაინც დადებითად გადაწყდა.
და დავუყენე ჩოკი 0,5 მმ. ჩავთვალე, რომ ამ კალიბრისთვის ჯერ-ჯერობით საკმარისი იქნება. დავტენე ვაზნები სახამებლით და უსახამებლოდ. ყველაზე კარგი რეზულტატი ისევ სახამებლით დატენილმა ვაზნებმა მოგვცა.
საფანტმა # 9 მოგვცა 65 პროცენტი, და საფანტმა #6 მოგვცა 74 პროცენტი.
რა თქმა უნდა, ეს თოფი ვერ შეედრება ქარხნული წარმოების თოფს. მაგრამ სიტუაციიდან გამომდინარე, შეიძლება მისი სანადიროდ გამოყენების ცდა. მალე მოდის ნადირობის სეზონი და აუცილებლად გამოვცდი მწყერზე.
|
| |
| |
| bg21101992 | დრო: შაბათი, 27.07.2013, 23:35:04 | შეტყობინება # 21 |
|
ლეიტენანტი
ჯგუფი: ეგერი
შეტყობინება: 25
რეპუტაცია: 0
ამ დროისთვის: ნადირობს ან თევზაობს
| ბრავო! 
|
| |
| |
| tatoxoni | დრო: შაბათი, 25.01.2014, 12:02:46 | შეტყობინება # 22 |
|
ვიცეპოლკოვნიკი
ჯგუფი: ეგერი
შეტყობინება: 354
რეპუტაცია: 2
ამ დროისთვის: ნადირობს ან თევზაობს
| მაგარი რაღაც გაგიკეთებია ბევრი გიწვალია შედეგიც გაქვს, რა ქენი თუ გამოცადე სანადიროდ?
ხონსკი
|
| |
| |
| ფორუმის სტატისტიკა |
| განახლებული თემები |
პოპულარული თემები |
ფორუმში აქტიურები |
ბოლოს დარეგისტრირდნენ |
|
|
|
|
|
