ბებესირი

ტბათა ჯგუი აფხაზეთში, გალის მუნიციპალიტეტში, მდინარე ოქუმის

ქვემო დინების აუზში. დიდი ბებესირი და ბებესირი მდებარეობს ოქუმის

მარჯვენა მხარეს, პატარა ბებესირი მარცხენა მხარეს.

ტბები წარმოიშვა სანაპირო დიუნებით მდინარეების შეგუბების შედეგად.

„დიდი ბებესირის" ზედაპირის ფართობი 0,61 კმ², უდიდესი

სიღრმე 4,5 მ, „ბებესირისა", შესაბამისად, — 0,14 კმ², 4,6 მ, პატარა

ბებესირისა — 0,1 კმ², 1,7 მ. ტბები საზრდოობენ წვიმისა და მიწისქვეშა წყლით.

ზედაპირის დიდი ნაწილი დაფარულია წყალმცენარეულობით.

მდიდარია თევზით (ქარიყლაპია, კობრი, ლოქო, კაპაჭრინა და სხვა).

აშენებდნენ ნუტრიას. ბებესირს იყენებენ ჩაის პლანტაციების სარწყავად.